মৰণোত্তৰ পৰীক্ষাৰ ভুৱা প্ৰতিবেদন দাখিল; মঙলদৈত গ্ৰেপ্তাৰ ৩ চিকিৎসক

ডিজিটেল ডেস্ক: মঙলদৈ অসামৰিক চিকিৎসালয়ৰ ৩ চিকিৎসকক গ্রেপ্তাৰ কৰে আৰক্ষীয়ে। গ্ৰেপ্তাৰ হোৱা চিকিৎসক কেইজন ক্ৰমে-ডাঃ অৰুণ ডেকা, ডাঃ অনুপম শৰ্মা, ডাঃ অজন্তা বৰদলৈ।

অভিযোগ অনুসৰি মৰণোত্তৰ পৰীক্ষাৰ ভুৱা প্রতিবেদন দাখিল কৰিছিল চিকিৎসক কেইগৰাকীয়ে। দৰঙৰ ধূলাৰ আদিবাসী যুৱতীৰ মৃত্যুক লৈ দিছিল ভুৱা প্রতিবেদন।

CIDৰ ২০/২০২২ৰ গোচৰত গ্রেপ্তাৰ তিনিওকে। গ্ৰেপ্তাৰৰ পাছতেই সোমবাৰে মঙলদৈৰ CJM আদালতত হাজিৰ কৰোৱা হয় ৩ চিকিৎসকক।

CIDৰ অনুসন্ধানত ওলোৱা তথ্য অনুসৰি ফৰেনচিকৰ চিকিৎসকে কৰা নাছিল মৰণোত্তৰ পৰীক্ষা। মেডিচিন বিভাগৰ চিকিৎসকৰ চহী আছে মৰণোত্তৰ পৰীক্ষাৰ প্রতিবেদনত। এই ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে।