আটছাৰ উদ্যোগত "চল যাব স্কুল অভিযান" কাৰ্যসূচী

ডিজিটেল সংবাদ,ঘিলাধাৰী: অসম চাহ জনজাতি ছাত্ৰ সন্থাৰ কেন্দ্ৰীয় সমিতিৰ নিৰ্দেশ মৰ্মে আটছা ফৰকাটিং উপ-শাখা সমিতি উদ্যোগত গোলাঘাটৰ মক্ৰং, ঘিলাধাৰী, বালিজান, উষা বাগান, জালান চাহ বাগিছা আৰু মাটিখোলা শাখা সমিতিৰ সহযোগত মক্ৰং চাহ বাগিছাত আটছাই চল যাব স্কুল অভিযান শীৰ্ষক কাৰ্যসূচী ৰূপায়ণ কৰে৷

এই কাৰ্যসূচীত অঞ্চলটোৰ দুই শতাধিক শিক্ষাৰ্থীয়ে অংশগ্ৰহণ কৰে ৷ কাৰ্যসূচীত ছাত্ৰ-ছাত্ৰীসকলে গান্ধী উচ্চ মাধ্যমিক বিদ্যালয়ৰ পৰা মক্ৰং চাহ বাগিচালৈ হাতে-হাতে প্লে' কাৰ্ড লৈ 'শিক্ষা আমাৰ অধিকাৰ', 'বাল্য বিবাহ বন্ধ কৰক', 'শিশু শ্ৰমিক বন্ধ কৰক', 'মাদক দ্ৰব্য বন্ধ কৰক', 'চল চাব স্কুল', 'আটছা জিন্দাবাদ' আদি শ্ল’গান দিয়ে ৷ ইয়াৰ পিছতে অনুষ্ঠিত হয় এখনি শৈক্ষিক সজাগতা সভা ৷ সভাত আটছাৰ বিষয়ববীয়া সকলে "চল যাব স্কুল" সন্দৰ্ভত বাখ্যা আগবঢ়ায় ৷