দুৰ্ঘটনাত পতিত বলিউড কিং শ্বাহৰুখ খান...

ডিজিটেল ডেস্কঃ দুৰ্ঘটনাত পতিত হৈছে বাদশ্বাহ শ্বাহৰুখ খান । আমেৰিকা যুক্তৰাষ্ট্ৰৰ লছ এঞ্জেলছত ছবিৰ দৃশ্যগ্ৰহণৰ সময়তে অভিনেতাজন পতিত হৈছে দুৰ্ঘটনাত । খবৰ অনুসৰি দুৰ্ঘটনাৰ ফলত অভিনেতাগৰাকীৰ নাকৰ ৰক্তক্ষৰণ হৈছিল । সেয়ে ততাতৈয়াকৈ অভিনেতাগৰাকীক চিকিৎসালয়লৈ নি অস্ত্ৰোপচাৰ সম্পন্ন কৰা হয় ।

অস্ত্ৰোপচাৰৰ পিছতেই চিকিৎসকে চিন্তাৰ কোনো কাৰণ নাই বুলি জানিবলৈ দিছে । অস্ত্ৰোপচাৰৰ পিছতেই শ্বাহৰুখ খানৰ নাকত এটা বেণ্ডেজ দেখিবলৈ পাইছিল অনুৰাগীয়ে । বৰ্তমানে অভিনেতাজন নিজ দেশলৈ ঘূৰি আহিছে । আঘাতৰ পৰা আৰোগ্য হৈছে ।