সন্তানৰ বেয়া সংগ চিনাক্ত কৰিবলৈ অভিভাৱকে কি কৰা উচিত জানেনে ?

ডিজিটেল ডেস্ক: শিশুৱে ভাল আৰু বেয়া দুয়োটাই খুব সোনকালে আয়ত্ব কৰে। যাৰ বাবে সময়মতে তেওঁলোকৰ ভাল অভ্যাস গঢ়ি তোলাটো অতি গুৰুত্বপূৰ্ণ। কিন্তু কেতিয়াবা শিশুয়ে বেয়া সংগত পৰি বেয়া অভ্যাস শিকে। এই বেয়া অভ্যাস স্কুল, চুবুৰীয়া বন্ধু, টিউচন আদি বিভিন্ন দিশৰ পৰা তেওঁলোকে আয়ত্ব কৰিব পাৰে। ঘৰখনত একেলগে থকা জ্যেষ্ঠসকলক লক্ষ্য কৰিও শিশুয়ে এই অভ্যাস গ্ৰহণ কৰিব পাৰে। শিশু এটা যাতে বেয়া সংগলৈ যাব নোৱাৰে, তাৰ বাবে অভিভাৱকসকল সচেতন হৈ থকাটো খুবেই দৰকাৰ। অৱশ্যে, সন্তানৰ কেতবোৰ ব্যৱহাৰ দেখিলেই তেওঁলোক যে বেয়া সংগত পৰিছে, সেয়া আপুনি জানিব পাৰিব। হয়, অভিভাৱক হিচাপে আপুনি মন কৰিবলগীয়া সন্তানৰ এই আচৰণসমূহ হৈছে-

মিছা কথা 

পিতৃ-মাতৃয়ে কেতিয়াও তেওঁলোকৰ সন্তানে মিছা কথা কোৱাটো নিবিচাৰে যদিও বহু শিশুৰ এই অভ্যাস গঢ় লৈ উঠে। এই অভ্যাসটো তেওঁলোকৰ বন্ধুবৰ্গৰ দ্বাৰা প্ৰভাৱিত হ'ব পাৰে, যাৰ পৰা তেওঁলোকে এই আচৰণ শিকে। 

আনৰ বস্তু ঘৰলৈ অনা

যদি আপোনাৰ সন্তানে প্ৰতিদিনে আপোনাক নতুন বস্তু দেখুৱাবলৈ আৰম্ভ কৰে,  তেন্তে আপুনি এই ক্ষেত্ৰত মনোযোগ দিয়া উচিত। যদি এই বস্তুবোৰ কোনো কাৰণ নোহোৱাকৈ বা টকা অবিহনে আহি আছে, ইয়াৰ অৰ্থ হ'ব পাৰে যে আপোনাৰ সন্তানে এই বস্তুবোৰ আন কাৰোবাৰ পৰা লৈছে বা কাৰোবাৰ পৰা চুৰি কৰি আছে।

আচৰণৰ পৰিৱৰ্তন

যদি আপোনাৰ সন্তান হঠাতে খিংখিঙীয়া হৈ পৰে আৰু যুঁজ দিয়াৰ প্ৰৱণতা থাকে, ই বেয়া সংগৰ লক্ষণ হ'ব পাৰে। ইয়াৰ অৰ্থ হ'ব পাৰে যে শিশুটোৱে ঘৰত অথবা বাহিৰত কাৰোবাক কাজিয়া কৰা দেখিছে। ইয়াৰ ফলত শিশুৰ মানসিক পৰিৱৰ্তন হ'ব পাৰে,যাক পিতৃ-মাতৃয়ে উপেক্ষা কৰিব নালাগে।

সঘনাই ধন বিচাৰি থকা

আপোনাৰ সন্তানেও যদি ঘৰত সঘনাই ধন বিচাৰি থাকে, তেনেহ’লে আপুনি কিছু সৰ্তক হ'ব। এনে শিশুৱে তেওঁলোকৰ বন্ধুবৰ্গৰ সৈতে মিলামিছা কৰিব বিচাৰে, কিন্তু যদি শিশুৱে সকলো সময়তে নতুন কিবা বিচাৰিবলৈ আৰম্ভ কৰে আৰু নিদিলে খং কৰে, ই সূচিত কৰিব পাৰে যে তেওঁলোকৰ নতুন বন্ধুসকলে তেওঁক তেওঁলোকৰ বস্তুৰ সৈতে তুলনা কৰিছে। এই তুলনাই শিশুৰ ক্ষেত্ৰত নতুন আৰু ব্যয়বহুল সামগ্ৰীৰ আকাংক্ষা সৃষ্টি কৰিব পাৰে, যাৰ ফলত তেওঁলোকে সকলো সময়তে ধন বিচাৰিব পাৰে। যদি এনে হয়, অভিভাৱকে এই পৰিৱৰ্তনৰ প্ৰতি মনোযোগ দিব লাগে আৰু শিশুটোক বুজাব লাগে।

বেয়া কথা কোৱাৰ অভ্যাস 

যদি আপোনাৰ সন্তানে হঠাতে গালি দিয়া আৰম্ভ কৰে, ই এক স্পষ্ট লক্ষণ যে তেওঁলোক বেয়া সংগত আছে। এই পৰিস্থিতিত, পিতৃ-মাতৃয়ে শিশুটোক বুজাব লাগিব যাতে তেওঁলোকে এনে শব্দ ব্যৱহাৰ নকৰে আৰু ভাল মূল্যবোধ গ্ৰহণ নকৰে।

Also Read: সন্তানৰ কাণ ফুটুৱাৰ পাছত কৰিবলৈ নাপাহৰিব এই কাম