ঠাণ্ডাৰ দিনত ঔষধৰ কাম কৰে গুড়ে

ডিজিটেল ডেস্ক: গুড় খোৱাটো স্বাস্থ্যৰ পক্ষে খুবেই লাভজনক। আপুনি যিকোনো সময়ত বা ঋতুতে গুড় খাব পাৰে যদিও শীতকালত গুড় খোৱাটো স্বাস্থ্যৰ পক্ষে অতি উপকাৰী বুলি গণ্য কৰা হয়। যিহেতু এতিয়া শীতকাল আৰম্ভ হৈছে, সেয়েহে এই সময়ছোৱাত আপুনি নিজকে স্বাস্থ্যৱান ৰাখিবলৈ গুড় খাব পাৰে। গুড়ত চেনীতকৈ কম কেলৰি থাকে।তদুপৰি, ইয়াত মেগনেছিয়াম, চেলেনিয়াম, কোলিন, বেটাইন, ভিটামিন-বি কমপ্লেক্স, ফলেট, কেলচিয়াম, আইৰণ, ফছফৰাছ মেঙ্গানিজ থাকে। আজি গুড় খোৱাৰ লাভালাভৰ বিষয়ে জানো আহক-

বিষমুক্ত কৰে শৰীৰক

ঠাণ্ডা বতৰত অধিকাংশ লোকেই অত্যাধিক ভজা-পোৰা খাদ্য খায়।এনে অস্বাস্থ্যকৰ খাদ্য খোৱাৰ ফলত শৰীৰত বিষাক্ততা বৃদ্ধি হয়।ইয়াৰ ফলত শৰীৰত চৰ্বি জমা হ'বলৈ আৰম্ভ কৰে আৰু ওজন বৃদ্ধি হয়।কিন্তু গুড়ে শৰীৰক বিষমুক্ত কৰাত সহায় কৰে। সেয়েহে ঠাণ্ডা দিনকেইটাত সদায় গুড় আপোনাৰ খাদ্য তালিকাত অন্তৰ্ভূক্ত কৰিব। তদুপৰি, আপুনি ইয়াক চাহত চেনীৰ সলনি ব্যৱহাৰ কৰিব পাৰে। ই তেজ বিশুদ্ধ কৰাত সহায় কৰাৰ লগতে আৰু আন বহু ৰোগৰ পৰাও সুৰক্ষা দিয়ে। গুড়ে শৰীৰৰ ওজন নিয়ন্ত্ৰণতো যথেষ্ট সহায় কৰে। 

দূৰ কৰে তেজৰ অভাৱ 

শীতকালত নিয়মীয়াকৈ গুড় খালে শৰীৰত তেজৰ পৰিমাণ বৃদ্ধি হয়। ইয়াত থকা আইৰণে  শৰীৰত অক্সিজেন আৰু লোহিত ৰক্ত কণিকা বৃদ্ধি কৰাত সহায় কৰে। যি হিমোগ্লোবিনৰ স্তৰ সঠিক কৰি ৰাখে। 

গৰম কৰি ৰাখে শৰীৰ 

শৰীৰত গুড়ৰ প্ৰভাৱ গৰম হয়, সেয়েহে গ্ৰীষ্মকালত বিশেষজ্ঞসকলে ইয়াক সীমিত পৰিমাণত খোৱাৰ পৰামৰ্শ দিয়ে। কিন্তু শীতকালত গুড় খোৱাৰ ফলত শৰীৰক ভিতৰৰ পৰা তাপ প্ৰদান কৰে আৰু শৰীৰটোক গৰম অনুভৱ কৰায়। এনে পৰিস্থিতিত, আপুনি শীতকালত শৰীৰ গৰম ৰাখিবলৈ গুড় খাব পাৰে। 

উদ্যমী হৈ থাকিব আপুনি

গুড় খোৱাৰ ফলত শৰীৰৰ পৰা ভাগৰ আৰু অলসতা আঁতৰ হয়। ই আপোনাৰ শৰীৰক তাৎক্ষণিক শক্তি প্ৰদান কৰাত সহায় কৰে। 

ভাইৰেলৰ পৰা দিয়ে সুৰক্ষা 

দুৰ্বল ৰোগ প্ৰতিৰোধ ক্ষমতাৰ বাবে শীতকালত চৰ্দি, জ্বৰৰ লগতে আন আন ভাইৰেল সংক্ৰমণে শৰীৰটোক আগুৰি ধৰে।কিন্তু গুড়ে ৰোগ প্ৰতিৰোধ ক্ষমতা শক্তিশালী কৰি শৰীৰক ভাইৰেল সংক্ৰমণৰ পৰা সুৰক্ষিত কৰি ৰাখে। 

নাইকিয়া হয় গাঁঠিৰ বিষ

গুড়ত পোৱা প্ৰদাহ-প্ৰতিৰোধী গুণাগুণবোৰে গাঁঠি ফুলা সমস্যা আঁতৰ কৰাত সহায় কৰে। গুড়ে শৰীৰৰ বিষৰ পৰাও সকাহ দিয়ে। 

বি.দ্ৰ: শীতকালত গুড় খোৱাটো উপকাৰী যদিও আপুনি দিনত ১০-১৫ গ্ৰামতকৈ অধিক গুড় খোৱাটো পৰিহাৰ কৰিব।

Also Read: শীতকালত স্বাভাৱিক বুলি ধৰি লোৱা স্বাস্থ্য সমস্যাই ল’ব পাৰে ভয়াৱহ ৰূপ