যদি ধনী হ'বলৈ মন, এই কথাত মন দিব

ডিজিটেল ডেস্ক: হিন্দু ধৰ্মত সপ্তাহৰ প্ৰতিটো দিনৰ লগত জড়িত কিছুমান বিশেষ নিয়ম-নীতি আছে। বৃহস্পতিবাৰৰ দিনটো মা লক্ষ্মীৰ দিন বুলি বিবেচনা কৰা। শাস্ত্ৰ অনুসৰি, এই দিনটোত কিছুমান কাম ভুলতো কৰিব নালাগে। অন্যথা, দুৰ্ভাগ্যৰ সন্মুখীন হ'বলগীয়া হয় বুলি বিশ্বাস কৰা হয়। সনাতন ধৰ্মত বৃহস্পতিবাৰে দেৱগুৰু বৃহস্পতিক পূজা কৰা হয়। এই দিনটোত ভগৱান বিষ্ণুকো পূজা কৰা হয়। যিকোনো ভাল কাম আৰম্ভ কৰাৰ বাবে এই দিনটো বিশেষ বুলি গণ্য কৰা হয়। জীৱনটো সুচল কৰিবলৈ কিসমূহ কাম বৃহস্পতিবাৰে কৰিব নালাগে, আজি জানো আহক-

মন দিব এইসমূহ দিশত, সুচল হ'ব জীৱন

১) এই দিনটোত ক’লা কাপোৰ পিন্ধিব নালাগে। হিন্দু বিশ্বাস অনুসৰি বৃহস্পতিবাৰে ক’লা কাপোৰ পিন্ধিলে এজন ব্যক্তিৰ জীৱনত নেতিবাচক প্ৰভাৱ পৰে।

২) বৃহস্পতিবাৰে চুলি আৰু নখ কাটিব নালাগে। এই দিনটোত এই কাম কৰাটো অশুভ বুলি গণ্য কৰা হয়।

৩) এই দিনটোত কাপোৰ আৰু চুলিও ধুব নালাগে। এনে কৰিলে বৃহস্পতি গ্ৰহ ৰাশিফলত দুৰ্বল হৈ পৰে আৰু ঘৰলৈ অশুভ শক্তিৰ আগমণ হয় বুলিও বিশ্বাস কৰা হয়।

৪) এই দিনটোত কোনো ধৰণৰ বিতৰ্কত লিপ্ত হ'ব নালাগে আৰু কাকো অপমানো কৰিব নালাগে। 

৫) বৃহস্পতিবাৰে ঘৰ মচিলে আৰ্থিক অসুবিধাৰ সন্মুখীন হ’বলগীয়া হয় বুলি বিশ্বাস কৰা হয়। 

৬) হিন্দু ধৰ্মত বৃহস্পতিবাৰৰ দিনটোত ভগৱান বিষ্ণু আৰু কল গছক পূজা কৰা হয়, সেয়েহে এই দিনটোত কল খাব নালাগে।

৭) বৃহস্পতিবাৰে দক্ষিণ দিশলৈ যাত্ৰা কৰা উচিত নহয়।

৮) এই দিনটোত ভুলতো মাংস, মদ বা কোনো আমিষ খাদ্য নাখাব।

৯) বৃহস্পতিবাৰে ঋণ দিয়া বা লোৱাৰ পৰা বিৰত থাকিব।