জীৱন সংগী বিচাৰি আছে যদি এই বিষয়ে জানি লওঁক

ডিজিটেল ডেস্ক: যদি আপুনি গোটেই জীৱন আপোনাক লগ দিয়া তথা বুদ্ধিমান সংগীক বিচাৰি আছে, তেন্তে চিন্তা নকৰিব। আপুনি কেৱল এই ৪টা আখৰৰে নাম আৰম্ভ হোৱা ছোৱালীক আপোনাৰ মন-প্ৰাণ উজাৰি দিয়ক। এয়া পিছে, আমি কোৱা কথা নহয়। জ্যোতিষশাস্ত্ৰইহে ইয়াক  স্বীকৃতি দিছে। হয়, এই নামৰ ছোৱালীয়ে কেৱল বিশ্বাস বজাই ৰখাই নহয়, আপোনাৰ প্ৰতিটো সুখ-দুখত সদায় আপোনাৰ কাষত থিয় দিব। পিছে, কি আখৰৰে নাম আৰম্ভ হোৱা ছোৱালীয়ে প্ৰিয়জনৰ মনত দুখ নিদিয়ে, আজি জানো আহক-

দ, ড বা D 

এই আখৰৰে নাম আৰম্ভ হোৱা ছোৱালীবোৰ স্বভাৱত অতি ৰোমান্টিক। সংগীৰ প্ৰতি তেওঁলোকৰ হৃদয় অতি সত্য আৰু সৎ। এই ছোৱালীবোৰ যিমানেই ব্যস্ত নাথাকক কিয়, তেওঁলোকে নিজৰ সংগীৰ বাবে সদায়েই সময় বিচাৰি পায়। তেওঁলোকৰ প্ৰেম সত্য আৰু নিঃচৰ্ত। যদিহে আপুনি এক প্ৰকৃত আৰু সৎ সম্পৰ্ক বিচাৰিছে, তেন্তে এই নামৰ ছোৱালী আপোনাৰ জীৱনৰ অংশ হ’ব পাৰে।

জ বা G

জ আখৰৰে আৰম্ভ হোৱা ছোৱালীবোৰ স্বভাৱতে যথেষ্ট জেদী। তেওঁলোক অৱশ্যে কঠোৰ পৰিশ্ৰম কৰিবলৈও প্ৰচণ্ড উদ্যম থাকে। জ্যোতিষ শাস্ত্ৰৰ মতে, এনে ছোৱালী ধাৰ্মিক তথা পৰিয়াল আৰু ঘৰ পৰিচালনাৰ ক্ষেত্ৰত আগৰণুৱা। তেওঁলোকৰ সৈতে জীৱন কটোৱাৰ অৰ্থ হ’ল এক শক্তিশালী তথা পৰিশ্ৰমী সংগীৰ সৈতে আপোনাৰ ভৱিষ্যত গঢ়ি তোলা।

স বা S

স অৰ্থাৎ S আখৰৰে নাম আৰম্ভ হোৱা ছোৱালীবোৰে নিজৰ জীৱন সংগীক অতি গুৰুত্ব সহকাৰে লয়। তেওঁলোকৰ এটা বিশেষ গুণ হ’ল যে, তেওঁলোক ধৈৰ্যশীল। এই গুণটোয়ে যিকোনো সম্পৰ্কক মজবুত কৰাত সহায় কৰে। এইসকল ছোৱালীয়ে সদায় নিজৰ সম্পৰ্ক আৰু কেৰিয়াৰৰ লগত জড়িত সকলো দায়িত্ব ভালদৰে পালন কৰে। যদি আপুনি এনেকুৱা এজন জীৱন সংগী বিচাৰিছে যিয়ে আপোনাৰ কাষত সদায় থিয় দিব আৰু প্ৰতিটো কঠিন সময়ত আপোনাক সহায় কৰিব, তেন্তে S আখৰৰে নাম আৰম্ভ হোৱা ছোৱালী আপোনাৰ বাবে আদৰ্শ হ’ব পাৰে।

ম বা M 

ম আখৰৰে নাম আৰম্ভ হোৱা ছোৱালীবোৰ প্ৰেমৰ ক্ষেত্ৰত অলপ কঠোৰ। তেওঁলোকে নিজৰ সংগীক অপৰিসীমভাৱে ভাল পায়। ইয়াৰ লগতে সংগীকো বহুত সন্মান কৰে আৰু সম্পৰ্কত নিজৰ দায়িত্ব সম্পূৰ্ণ আনুগত্যৰে পালন কৰে। যদি আপুনি আপোনাৰ জীৱনত এনেকুৱা এজন সংগী বিচাৰে যিয়ে আপোনাক মৰমৰ লগতে সন্মান দিয়ে। তেন্তে এই নামৰ ছোৱালী আপোনাৰ বাবে নিখুঁত হ’ব পাৰে।

এই ৫টা আখৰৰে নাম আৰম্ভ হোৱা ছোৱালীসকল নিজৰ সংগীৰ প্ৰতি সৎ আৰু দায়িত্বশীল হোৱাই নহয়, আজীৱন তেওঁলোকে তেওঁলোকৰ সংগীক মৰম আৰু সমৰ্থন দিয়ে।

Also Read: হাঁহি থাকোতেই জাল্লাদক নিলে 'যমৰাজ'য়ে