খাবলৈ আৰম্ভ কৰক পালেং-বিলাহীৰ ৰস

ডিজিটেল ডেস্ক: ভিটামিন আৰু খনিজ পদাৰ্থৰে সমৃদ্ধ পালেং শাক আৰু বিলাহীৰ ৰস স্বাস্থ্যৰ বাবে অতি উপকাৰী। সেউজীয়া শাক-পাচলিত অন্তৰ্ভুক্ত পালেং শাক স্বাস্থ্য সম্পৰ্কীয় বহুতো সমস্যা আঁতৰ কৰাত উপকাৰী। ইয়াত পটাছিয়াম, মেঙ্গানিজ, ভিটামিন এ, ভিটামিন কে আৰু ভিটামিন বি-২ আদিৰ দৰে পুষ্টি আছে।আনহাতে, বিলাহীত লাইকোপেন, ভিটামিন চি, ভিটামিন ই আৰু কেলচিয়াম থাকে। গতিকে এই দুটা বস্তুৰ পৰা প্ৰস্তুত কৰা ৰসে আমাৰ শৰীৰক সকলো সময়তে স্বাস্থ্যৱান কৰি ৰাখিব পাৰে।এই ৰসৰ অন্যান্য লাভালাভবোৰ হৈছে-

তেজৰ অভাৱ দূৰ কৰে

শাক আৰু বিলাহীৰ ৰস শৰীৰত তেজ ৰক্তক্ষৰণ দূৰ কৰাত অতি উপকাৰী। পালেং শাকত যথেষ্ট পৰিমাণে আইৰণ থাকে যি শৰীৰত তেজ বৃদ্ধি কৰে। আনহাতে বিলাহীৰ ৰসে তেজৰ অভাৱ পূৰণ কৰে।

হজমৰ বাবে ভাল

পালেং শাক আৰু বিলাহী দুয়োটা পুষ্টিৰে সমৃদ্ধ।ইয়াত থকা পুষ্টিয়ে পাচন তন্ত্ৰ ভালে ৰখাৰ লগতে  ইয়াৰ সৈতে সম্পৰ্কিত সমস্যা যেনে বদহজম, পেট ফুলা বা ডায়েৰিয়া আদি হ্ৰাস কৰে।

ছালৰ বাবে স্বাস্থ্যকৰ

বিলাহী আৰু পালেং দুয়োটা ভিটামিন চি সমৃদ্ধ।যাৰ বাবে এই খাদ্যই অক্সিডেটিভ চাপ হ্ৰাস কৰাৰ লগতে ছালত ব্রণ আৰু ছাল কোঁচ খোৱা সমস্যা হ্ৰাস কৰে।

ওজন হ্ৰাস

পালেং শাক আৰু বিলাহীত যথেষ্ট পৰিমাণে আঁহ থকাৰ লগতে কেলৰি কম পৰিমাণে থাকে।যাৰ বাবে ই ভোক হ্ৰাস কৰে আৰু ওজন হ্ৰাস কৰাত সহায়ক বুলি প্ৰমাণিত হয়। আপুনি যদি ওজন হ্ৰাসৰ পৰিকল্পনা কৰিছে, এই দুয়োটা ৰস আপোনাৰ আহাৰত অন্তৰ্ভুক্ত কৰিব পাৰে।

Also Read: Tea Side Effects: চাহ খাই শৰীৰটো ঘূণীয়া নকৰিব