এইসকল লোকে ভুলতো বেলৰ চবৰত নাখাব

ডিজিটেল ডেস্ক: গৰমৰ দিনকেইটাত সকলোৱে ঠাণ্ডা আৰু সতেজ কিবা খাবলৈ মন যায়, যাতে শৰীৰটো ভিতৰৰ পৰা শীতল হ’ব পাৰে। এই ঋতুত বেলৰ চৰবত এটা ভাল বিকল্প। ই অত্যন্ত সোৱাদযুক্ত হোৱাৰ লগতে স্বাস্থ্যৰ বাবেও উপকাৰী। অৱশ্যে, সকলোৰে বাবে উপকাৰী নহয় বেলৰ চৰবত। কোন লোকৰ বাবে এই চৰবত উপকাৰী নহয়, জানো আহক-

ডায়েবেটিছ ৰোগী

বেলত প্ৰাকৃতিক চেনি থাকে বাবে বেলৰ চৰবতৰ সোৱাদ মিঠা। ইয়াৰ অত্যধিক সেৱনে শৰীৰত চেনিৰ মাত্ৰা বৃদ্ধি কৰিব পাৰে। সেয়েহে, ডায়েবেটিছ ৰোগীয়ে বেলৰ চৰবত খোৱাৰ পৰা বিৰত থাকিব লাগে। কোনো ডায়েবেটিছ ৰোগীয়ে খাবলৈ মন কৰিলে চিকিৎসকৰ পৰামৰ্শ  গ্ৰহণ কৰাৰ পিছতহে ইয়াক সেৱন কৰিব লাগে। 

কোষ্ঠকাঠিন্যৰ সমস্যা থকা লোক

বেল পাচনতন্ত্ৰৰ বাবে উপকাৰী। যিসকল লোকৰ বদহজম বা কোষ্ঠকাঠিন্যৰ সমস্যা আছে, তেওঁলোকে এই চৰবত খোৱাৰ পৰা বিৰত থাকিব লাগে। এনে লোকসকলে বেলৰ চৰবত খালে পেটত অধিক গেছ আৰু পেট ফুলা সমস্যা হ’ব পাৰে। যাৰ ফলত কোষ্ঠকাঠিন্যৰ সমস্যা আৰু অধিক ভয়াৱহ হ’ব পাৰে।

থাইৰয়ড ৰোগী

যিসকল লোকে থাইৰয়ডৰ সমস্যাত ভুগি আছে বা যিসকলে থাইৰয়ডৰ ঔষধ খাই আছে, তেওঁলোকেও বেলৰ চৰবত খাব নালাগে। বেলত কিছুমান উপাদান থাকে, যিয়ে থাইৰয়ডৰ ঔষধত প্ৰভাৱ পেলাব পাৰে। গতিকে থাইৰয়ড ৰোগীয়ে এই চৰবত খোৱাৰ আগতে চিকিৎসকৰ পৰামৰ্শ ল’ব লাগে। তদুপৰি, ইয়াৰ অত্যধিক সেৱনে হৰম’নৰ ভাৰসাম্যহীনতাও সৃষ্টি কৰিব পাৰে, যিয়ে থাইৰয়ডৰ সমস্যা আৰু অধিক ভয়াৱহ কৰি তুলিব পাৰে।

অস্ত্ৰোপচাৰৰ পিছৰ ৰোগী

শেহতীয়াকৈ অস্ত্ৰোপচাৰ কৰা বা অস্ত্ৰোপচাৰ কৰিবলৈ ওলোৱা লোকসকলেও বেলৰ চৰবত খোৱাৰ পৰা বিৰত থাকিব লাগে। বেলৰ চৰবতে শৰীৰত যিকোনো ধৰণৰ সংক্ৰমণ বা প্ৰদাহ বৃদ্ধি কৰিব পাৰে, যাৰ ফলত অস্ত্ৰোপচাৰৰ পিছত আৰোগ্য প্ৰক্ৰিয়াত নেতিবাচক প্ৰভাৱ পৰিব পাৰে। সেয়েহে, অস্ত্ৰোপচাৰ কৰা ৰোগীয়ে এই পানীয় খোৱাৰ আগতে চিকিৎসকৰ পৰামৰ্শ ল’ব লাগে।

বি.দ্ৰ: লেখাটো ইণ্টাৰনেটত উপলব্ধ তথ্যৰ ভিত্তিত লেখা হৈছে।