ৰাঘৱৰ অনুৰাগীক সুখবৰ দিলে কৰণে

ডিজিটেল ডেস্ক: ছবিপ্ৰেমী সকলৰ বাবে সুখবৰ। অতি শীঘ্ৰে নিৰ্মাণ হ’ব অতি জনপ্ৰিয় ছবি ‘কিল’ৰ ছিকুৱেল।হয়, ছবিখনৰ নিৰ্মাতা কৰণ জোহৰে শেহতীয়াকৈ এই বিষয়ে উল্লেখ কৰে।

২০২৩ৰ টৰণ্টো আন্তঃৰাষ্ট্ৰীয় চলচ্চিত্ৰ মহোৎসৱত বিশ্ব প্ৰিমিয়াৰ হোৱা এই হিন্দী ছবিখন চলিত বছৰৰ ৫জুলাইত অটিটি প্লেটফৰ্মত মুক্তি লাভ কৰে।ছবিখন পৰিচালনা কৰে নিখিল নাগেশ ভাটে। টেলিভিছনৰ অতি জনপ্ৰিয় হ’ষ্ট, নৃত্যশিল্পী ৰাঘৱ জুৱেল আছিল এই ছবিখনৰ মুখ্য আকৰ্ষণ।‘কিল’ত ৰাঘৱৰ লগতে মূখ্য চৰিত্ৰত অভিনয় কৰিছে লক্ষ্য আৰু তানিয়া মানিকতলাই।

শেহতীয়াকৈ মুম্বাইত অনুষ্ঠিত এখন বিশেষ অধিৱেশনত ছবিখনৰ সন্দৰ্ভত কৰণ জোহৰে কয়, ‘টৰণ্টো আন্তঃৰাষ্ট্ৰীয় চলচ্চিত্ৰ মহোৎসৱত সফলতা লাভ কৰাৰ পাছত এতিয়া এই ছবিখন ইংৰাজীৰ লগতে একাধিক ভাষাত ডাব কৰা হৈছে। ভাৰতীয় কাহিনী বিশ্বব্যাপী এইদৰে প্ৰসাৰ হোৱাত মই সঁচাকৈয়ে সুখী।’

উল্লেখ্য যে, এজন ভাৰতীয় সেনাৰ জীৱনৰ কাহিনীৰে নিৰ্মিত ‘কিল’ মুক্তিৰ পাছত যথেষ্ট সমালোচনাৰো সন্মুখীন হৈছিল। একাংশই ‘কিল’ ভাৰতত নিৰ্মিত আটাইতকৈ হিংসাত্মক ছবি বুলি ছ’চিয়েল মেডিয়াত সমালোচনা কৰে।সমালোচনাৰ পাছতো অৱশ্যে ছবিখনে দৰ্শকৰ অভূতপূৰ্ব সঁহাৰি লাভ কৰিবলৈ সক্ষম হয়।

Also Read: বিবাহ বিচ্ছেদৰ সিদ্ধান্ত শিল্পী এ আৰ ৰহমান আৰু পত্নীৰ...