ডিজিটেল ডেস্ক : পৃথিৱীত প্ৰায় ৭০০০ হেজাৰৰো অধিক কথিত ভাষা আছে । এই ভাষা সমূহৰ কোনোবাটোৰ যদি আন কোনোবা এটাৰ সৈতে সাদৃশ্য আছে, তেন্তে আন কোনোবাটো আকৌ সম্পূৰ্ণ বেলেগ । কোনো এক সভ্যতা-সংস্কৃতিৰ বাবে যি কলা, সি হয়তো আন কাৰোবাৰ বাবে অশ্লীলতা । মুঠৰ ওপৰত কেৱল ভাষাই নহয় বৰং ৰাজনৈতিক, ভৌগোলিক সকলো ধৰণৰ সীমাৰ মাজতেই আৱদ্ধ মানৱ জাতি । কিন্তু এই সকলোবোৰক অতিক্ৰম কৰি সকলোৰে বাবে আছে এক বিশ্বজনীন ভাষা । ই হৈছে বোলছবি । বোলছবিৰ ভাষা সকলোৰে বাবে একেই । প্ৰথমে উপভোগ আৰু কলাত্মক শৈলীৰে নিৰ্মাণ কৰা হ'লেও সন্তৰ্পণে এই সমূহৰ মাজত সোমাই পৰিল একাডেমী এৱাৰ্ডছ অথবা অস্কাৰ । ১৯২৯ চনত দা হলীউড ৰুছভেল্ট হোটেলত আয়োজিত এক ব্যক্তিগত পাৰ্টীৰ পৰা আৰম্ভ হৈছিল বিশ্বৰ আটাইতকৈ বেছি চৰ্চিত অস্কাৰ বঁটা ।
২০২৩ চনত ৯৫ সংখ্যক অস্কাৰ বঁটা ঘোষণা কৰা হ'ল ১২ মাৰ্চত । অৱশ্যে বিশ্ববাসীয়ে এই বঁটাৰ তালিকা লাভ কৰিলে পৰৱৰ্তী দিনা পুৱা ৫ বজাতহে । অৰ্থাৎ ১৩ মাৰ্চত ।
