ডিজিটেল ডেস্ক : ডেভিদ ৱাৰ্নাৰ, মিচেল মাৰ্শ্ব, পৃথ্বি শ্ব', এনৰিক নৰ্কিয়াৰ দৰে বিখ্যাত বেটছমেনৰ পয়োভৰ দিল্লী কেপিটেলছত । যিসকল যিকোনো মুহুৰ্ততেই ভয়ংকৰ হৈ উঠিব পাৰে টি-২০ত । কিন্তু এনে এটা ভয়ংকৰ দলেও চলিত আই পি এলত জয়ৰ মুখ দেখিবলৈ সক্ষম হোৱা নাই এতিয়ালৈকে । বৰং দুয়োখন মেচত নিৰ্লজ আত্মসমৰ্পন । আনহাতে, ৰাজস্থানৰ পেচ বলিঙতো একেই সমস্যা । ট্ৰেন্ট ব'ল্টৰ বাহিৰে এগৰাকী পেচ বলাৰেও প্ৰতিপক্ষৰ বাবে মূৰৰ কামোৰণি হৈ উঠিব পৰা নাই । অৱশ্যে স্পীনত ৰাজস্থান ৰয়েলছ শক্তিশালী ।
বৰ্ষাপাৰা ষ্টেডিয়াম তেনেক্ষেত্ৰত আশীৰ্বাদস্বৰূপ হৈ উঠিব পাৰে দুয়োটা দলৰ বাবে । যি সময়ত বৰ্ষাপাৰাৰ ২২ গজৰ বাউণ্ডেৰী বেটছমেনৰ বাবে স্বৰ্গভূমি, একেই সময়তে ভাৰতীয় শ্ল' পিটছ স্পীনৰ বাবেও বিখ্যাত ।
দিল্লী কেপিটেলছ এতিয়া নৰ্কিয়াৰ প্ৰত্যাৱৰ্তনৰ পাছত শক্তিশালী । ঘৰুৱা দল ৰাজস্থানৰ এটাই কামনা যেন দিল্লী কেপিটেলছে এইখন খেলত ফৰ্ম উভতাই নাপায় । অন্যথা এই বৃহৎ সংকটৰ পৰা ৰাজস্থানক উদ্ধাৰ কৰা অসম্ভৱ হৈ পৰিব খেলুৱৈসকলৰ বাবে । দুই পৰাজিত দলৰ সন্মুখত উভতি অহাৰ এয়াই সুন্দৰ সুক্ষোগ, যিয়েই সদব্যৱহাৰ কৰিব সিয়েই আই পি এলৰ যাত্ৰা অব্যাহত ৰাখিব ।
