ডিজিটেল সংবাদ ৱাখাঃ ফ্ৰণ্টিয়া নাগালেণ্ডৰ দাবীৰ সন্দৰ্ভত কেন্দ্ৰীয় চৰকাৰে এতিয়ালৈকে কোনোধৰণৰ পদক্ষেপ গ্ৰহণ নকৰি বৃহস্পতিবাৰে নাগালেণ্ড বিধানসভাৰ নিৰ্বাচনৰ দিন ঘোষণা কৰাৰ পিছতে নিৰ্বাচনত অংশগ্ৰহণৰ তীব্ৰ বিৰোধিতা কৰিছে কন্যাক ইউনিয়নে । এক বিবৃতিৰ জৰিয়তে কন্যাক ইউনিয়নে কয় যে, ২০২২ চনৰ ২৬ আগষ্টত ইষ্টাৰ্ণ নাগালেণ্ড পিপলছ অৰ্গেনাইজেচনে আগন্তক বিধানসভাৰ নিৰ্বাচনত অংশগ্ৰহণ নকৰাৰ যি গুৰুত্বপূৰ্ণ প্ৰস্তাৱ গ্ৰহণ কৰিছিল সেই সিদ্ধান্তত তেওঁলোক বৰ্তমানেও দৃঢ় আৰু অটল হৈ আছে ।
সংগঠনটোৱে লগতে সকীয়াই দিয়ে যে, তেওঁলোকৰ সদস্যসকলে নিৰ্বাচনত অৱৰ্তীণ হৈ প্ৰাৰ্থীত্বৰ মনোনয়ন দাখিল কৰিলে বা নিজৰ সিদ্ধান্তক অসন্মান কৰিলে কন্যাক নগাভূমিৰ পৰা বহিষ্কাৰ কৰা হ’ব। তাৰ বাবে প্ৰাৰ্থীৰ গাঁওখনেই একমাত্ৰ দায়ী হ’ব।
বুধবাৰে মন জিলাৰ কে ইউ কনফাৰেন্স হলত অনুষ্ঠিত হোৱা জৰুৰী বৈঠকত এই সিদ্ধান্ত লোৱা হয়। কন্যাক ইউনিয়নৰ সভাপতি টিংথক কন্যাকে কয় যে, ১৮ জানুৱাৰীত অনুষ্ঠিত হোৱা কে ইউৰ জৰুৰী বৈঠকত, ২০২২ চনৰ ২৬ আগষ্টৰ ই এন পি অ’ৰ প্ৰস্তাৱৰ সৈতে দৃঢ়তাৰে থিয় দিয়াৰ সিদ্ধান্ত লোৱা হৈছে।
তেওঁ কয় যে বিধানসভা নিৰ্বাচনত অংশগ্ৰহণৰ বাবে মনোনয়ন দাখিল কৰা সেই ব্যক্তিসকলকো কন্যাক ভূমিৰ পৰা স্থায়ীভাৱে বহিষ্কাৰ কৰাৰ সিদ্ধান্ত লৈছে সদনে। ইয়াৰ উপৰিও টিংথোকে কয় যে, মনোনয়ন দাখিল কৰা যিকোনো ব্যক্তিৰ গাঁওখনো এককভাৱে দায়ী হ’ব।
ইফালে, ইষ্টাৰ্ণ নগা ষ্টুডেণ্টছ ফেডাৰেচনে নিৰ্দিষ্ট পদত অধিষ্ঠিত নিজৰ ৭ জন ফেডাৰেটিং ইউনিটৰ বিষয়াক, যিকোনো ৰাজনৈতিক সত্তা বা সংযোগৰ পৰা পদত্যাগ বা আঁতৰি যাবলৈ নিৰ্দেশ দিছে। এন এছ এফৰ সভাপতি চিংমাক চাং আৰু সাধাৰণ সম্পাদক খোমোখিয়ামনিউংগানে কয় যে, ফ্ৰন্টিয়াৰ নাগালেণ্ড ৰাজ্যৰ দাবীৰ প্ৰতি সম্ভাৱ্য ভাবুকি অনুভৱ কৰি তেওঁলোকে বুধবাৰে টুয়েছাঙত এখন জৰুৰী বৈঠকত ফেডাৰেচনে এই নিৰ্দেশনা জাৰি কৰাৰ সিদ্ধান্ত লয়।
এন এছ এফে লগতে কয় যে, বৈঠকত ফ্ৰন্টিয়াৰ নাগালেণ্ডৰ বাবে চলি থকা গুৰুত্বপূৰ্ণ জৰুৰী দাবীক লক্ষ্য কৰি চাং ৱেদোছি চেটছাং, খিয়ামনিউংগান ছাত্ৰ সংঘ, কন্যাক ছাত্ৰ সংঘ, ফ’ম ছাত্ৰ সন্মিলন, থিকিৰ ছাত্ৰ সন্মিলন। ইউনিয়ন, ইউনাইটেড চাংটাম ছাত্ৰ সন্মিলন আৰু ইমখিউং আখেৰু আৰিহাক সৰ্বসন্মতিক্ৰমে সিদ্ধান্ত লৈছে।
ক্লিক কৰি পঢ়কঃ কেতিয়া খোল খাব বন্ধ খাম? লিখা আছে তাত কাৰ নাম?
