৩০ হাজাৰ নতুন ভোটাৰেৰে নাগালেণ্ডত বৃদ্ধি পাইছে ৰাজনৈতিক সচেতনতা...

৩০ হাজাৰ নতুন ভোটাৰেৰে নাগালেণ্ডত বৃদ্ধি পাইছে ৰাজনৈতিক সচেতনতা...

ডিজিটেল ডেস্ক : নাগালেণ্ডত সমাগত বিধান সভা নিৰ্বাচন । অনা আনুষ্ঠানিক লোকপিয়ল অনুসৰি প্ৰায় ৩৯ লাখ লোকৰ বাসস্থান এই নাগালেণ্ড । ইয়াৰে প্ৰায় ১৩.৯ লাখ লোকে ভোটদান কৰিব আগন্তুক বিধান সভা নিৰ্বাচনত । ইয়াৰ ওপৰিও প্ৰায় ৩০ হাজাৰ নতুন ভোটাৰ চামিল হ'ল এই তালিকাত । ভাৰতৰ নিৰ্বাচনী কমিটিৰ শীৰ্ষ বিষয়া সকলে ৰাজ্যখনত প্ৰায় দুদিনীয়া ভ্ৰমণ সূচীৰে উপস্থিত হৈছিল শনিবাৰে । আৰু এই কাৰ্যসূচীৰ আধাৰতেই প্ৰকাশ হৈছিল ভোটাৰ তালিকাৰ এই তথ্য ।

এই সন্দৰ্ভত কহিমাত এক সংবাদ মেলত মুখ্য নিৰ্বাচনী বিষয়া গৰাকীয়ে মন্তব্য প্ৰদান কৰে যে, ইতিমধ্যেই দেশৰ বিভিন্ন প্ৰান্তত আগন্তুক নিৰ্বাচন সমূহ সুকলমে পালন কৰিবলৈ নিৰ্বাচনী কমিটিয়ে আয়োজন কৰিছিল বিভিন্ন কাৰ্যসূচীৰ । এই কাৰ্যসূচীৰেই ফলস্বৰূপে নাগালেণ্ডত ইতিমধ্যে ২৩১৫ টা ভোটদান কেন্দ্ৰ সৰ্বমুঠ ৬০ টা সমষ্টিত স্থাপন কৰা হৈছে ।

ইয়াৰ ওপৰিও মুখ্য নিৰ্বাচনী বিষয়া গৰাকীয়ে উল্লেখ কৰে যে, ৰাজ্যখনত এই নিৰ্বাচন কোনো ধৰণৰ বিক্ষিপ্ত ঘটনা সংঘটিত নোহোৱাকৈ অনুষ্ঠিত কৰিবলৈ সংকল্পবদ্ধ হৈছে নিৰ্বাচনী কমিটি । আনহাতে, বিষয়া গৰাকীয়েই উল্লেখ কৰে যে, এইবাৰৰ বিধান সভা নিৰ্বাচনত ৩০ হাজাৰ নতুন ভোটাৰে ভোটদান কৰিব ।

উল্লেখ্য যে, ৮০ আৰু ইয়াৰ উৰ্ধৰ ব্যক্তি সকলৰ বাবে নিজা বাসগৃহৰ পৰাই ভোটদানৰ ব্যৱস্থা কৰিছে নিৰ্বাচনী কমিটিয়ে ।

Related Stories

No stories found.
Asomiya Pratidin
www.asomiyapratidin.in