ডিজিটেল সংবাদ, ৱাখা : নৱবৰ্ষৰ প্ৰাকমূৰ্হুতত শান্তি দিশত এখোজ আগুৱাইছে মণিপুৰ । মণিপুৰী নাগা বিদ্ৰোহী সংগঠন জেলিয়াংগ্ৰং ইউনাইটেড ফ্ৰণ্ট সৈতে আজি নতুন দিল্লীত ভাৰত চৰকাৰৰ শান্তি চুক্তি স্বাক্ষৰিত হয় । মণিপুৰ চৰকাৰৰ পৃষ্ঠপোষকতাত কেন্দ্ৰীয় গৃহমন্ত্ৰ্যালয়ৰ দীৰ্ঘদিন ধৰি যুদ্ধ বিৰতিৰ আওতাত থকা জেলিয়াংগ্ৰ বিদ্ৰোহী গোটোৰে শান্তি চুক্তি স্বাক্ষৰ হয় ।
উল্লেখযোগ্য যে ভাৰত চৰকাৰ আৰু মণিপুৰ চৰকাৰে আজি নতুন দিল্লীত এটা দশকৰো অধিক সময় ধৰি সক্ৰিয় হৈ থকা জেলিয়াংগ্ৰং ইউনাইটেড ফ্ৰণ্ট (জ ইউ এফ)ৰ সৈতে ‘অপাৰেচন বন্ধ’ চুক্তিত স্বাক্ষৰ কৰে। সশস্ত্ৰ গোটৰ প্ৰতিনিধিসকলে হিংসাক ত্যাগ কৰি দেশৰ আইন অনুসৰি প্ৰতিষ্ঠা কৰা শান্তিপূৰ্ণ গণতান্ত্ৰিক প্ৰক্ৰিয়াত যোগদান কৰিবলৈ সন্মত হয়। চুক্তিখনত সশস্ত্ৰ কেডাৰৰ পুনৰ সংস্থাপন আৰু পুনৰ সংস্থাপনৰ ব্যৱস্থা আছে। চুক্তিবদ্ধ ভিত্তি নিয়মসমূহ বলবৎ কৰাৰ তদাৰক কৰিবলৈ এটা যৌথ নিৰীক্ষণ গোট গঠন কৰা হ’ব।
স্মৰ্তব্য যে ২০১৯ চনত নতুন দিল্লীত নগা শান্তি আলোচনাৰ আলোচক তথা নাগালেণ্ডৰ গৱৰ্ণৰ আৰ এন ৰবিৰ সৈতে জেলিয়াংগ্ৰং ইউনাইটেড ফ্ৰণ্টে যুদ্ধবিৰতি চুক্তি স্বাক্ষৰ কৰিছিল । ২০১১ চনত প্ৰতিষ্ঠা হোৱা উগ্ৰপন্থী সংগঠন জি ইউ এফ ইতিমধ্যে নগা বিদ্ৰোহী সংগঠন এন এছ চি এন ইছাক-মুইভা গোটৰ ত্যাগ কৰি এন কিটোভিৰ নেতৃত্বত জিপিআৰএন/এনএছচিএনৰ সৈতে একত্ৰিত হৈছিল ।
উল্লেখযোগ্য যে এই চুক্তি মণিপুৰৰ বাবে শান্তি আৰু সম্প্ৰীতিৰ দিশত আন এক মাইলৰ খুঁটি হিচাপে বিবেচিত হয় । মণিপুৰৰ শান্তি প্ৰক্ৰিয়াত এক উল্লেখযোগ্য উত্থান ঘটিব।
