ডিজিটেল সংবাদ, বেকাজানঃ অৰুণাচল প্ৰদেশৰ আৰক্ষীৰ বৃহৎ সফলতা। বুধবাৰে ইটানগৰ আৰক্ষীয়ে অভিযান চলাই উদ্ধাৰ কৰিছে ৫৩ বাইক-স্কুটি । আজি অধীক্ষক কাৰ্যালয়ত সংবাদমেল সম্বোধন কৰি ইটানগৰ আৰক্ষী অধীক্ষক ৰোহিত ৰাজবীৰ সিঙে প্ৰকাশ কৰে যে তেওঁলোকে বিগত এসপ্তাহজোৰা অভিযানত প্ৰায় ৫৩খন চুৰি দুচকীয়া বাহন উদ্ধাৰ কৰিছে।
আৰক্ষী অধীক্ষক ৰোহিত ৰাজবীৰে কয় যে ২০১৯ চনৰ পৰা চলি থকা এই অভিযানত অসমৰ গহপুৰ আৰু ইটানগৰ ৰাজধানী আৰক্ষীয়ে এই দুৰ্ধষ চোৰ কেইটাক গ্ৰেপ্তাৰ কৰে। ৰাজধানী আৰক্ষীয়ে গ্ৰেপ্তাৰ কৰা চাৰিজন প্ৰধান অভিযুক্তৰ আটাইকেইজন অসমৰ। চোৰ কেইটাই বাইকসমূহ অৰুণাচলৰ পৰা চুৰি কৰি হোলংগী-গহপুৰ-চিম্পু পথেৰে অসমলৈ সৰবৰাহ কৰে আৰু তাৰ পিছত চুৰি বাহন বিভিন্ন গ্ৰাহকক চেকেণ্ড হেণ্ড বাহন হিচাপে বিক্ৰী কৰে ।
ইটানগৰৰ এছডিপিঅ’ কেংগো দিৰ্চিৰ নেতৃত্বত এসপ্তাহজোৰা এই অভিযান চলিছিল। তেওঁলোকে ৪ অভিযুক্তৰ সহায়ত গোটেই ৰেকেটটো উৎখাত কৰা লগতে ৫৩ খন দুচকীয়া বাহন উদ্ধাৰ কৰিবলৈ সক্ষম হয়।
