মিজোৰামত বুজন পৰিমাণৰ নিচাজাতীয় টেবলেট জব্দ, গ্ৰেপ্তাৰ ৩ জন

ডিজিটেল সংবাদ, শিলচৰ: চুবুৰীয়া ৰাজ্য মিজোৰামত বুজন পৰিমাণৰ নিচাজাতীয় টেবলেট জব্দ কৰিছে বিএছএফ আৰু নাৰ্কোটিকছ বিভাগে। বিএছএফৰ মিজোৰাম, কাছাৰ ফ্ৰন্টিয়াৰ , মিজোৰামৰ আবকাৰী আৰু নাৰ্কোটিকছ বিভাগে বুধবাৰে যুটীয়া অভিযান চলাই জব্দ কৰিছে ৬ কিলোগ্ৰাম ছেউড’ইফেড্ৰিন (Pseudoephedrine) টেবলেট।

গোপন তথ্যৰ ভিত্তিত আইজলৰ মুৱাল্লুংথু এলেকাত এখন ডাষ্টাৰ বাহনত তালাচী জব্দ কৰা হয় নিচাজাতীয় টেবলেট খিনি।। ড্ৰাগছ সৰবৰাহৰ অভিযোগত বিএছএফে দুগৰাকী মহিলাসহ তিনিজন ড্ৰাগছ সৰবৰাহকাৰীক আটক কৰে। জব্দ কৰা ড্ৰাগছ খিনিৰ মুল্য কেবা কোটি টকা হ'ব বুলি অনুমান কৰা হৈছে।

Also Read: ড০ বাণীকান্ত কাকতি মেধা বঁটাঃ স্কুটাৰ বিতৰণ কাৰ্যসূচীৰ শুভাৰম্ভ কৰিব মুখ্যমন্ত্ৰী হিমন্ত বিশ্ব শৰ্মাই