ডিজিটেল সংবাদ বেকাজানঃ ভাৰতীয় জনতা পাৰ্টীৰ সংসদীয় ব’ৰ্ড আৰু কেন্দ্ৰীয় নিৰ্বাচন সমিতিৰ অহা দুদিনত নতুন দিল্লীত বৈঠক অনুষ্ঠিত হ’ব। ইয়াৰ পাছতে নাগালেণ্ডত আগন্তুক বিধানসভা নিৰ্বাচনৰ প্ৰাৰ্থীৰ তালিকাত ঘোষণা কৰা সিদ্ধান্ত লোৱা হ’ব বুলি দলটোৰ সূত্ৰই প্ৰকাশ কৰিছে।
প্ৰাৰ্থী তালিকা চূড়ান্ত কৰিবলৈ নাগালেণ্ড ৰাজ্যিক বিজেপিৰ সভাপতি টেমজেন ইনমা আলং আৰু দলৰ জ্যেষ্ঠ নেতা তথা নাগালেণ্ডৰ উপ-মুখ্যমন্ত্ৰী ৱাই পেট্টনে দিল্লীলৈ যাব। জানিব পৰা মতে বৈঠকত কেৱল প্ৰাৰ্থী নিৰ্বাচনৰ আলোচনা হ’ব।
এন ডি পি পিৰ লগতে মুখ্যমন্ত্ৰী নেইফিউ ৰিঅ’ও স্পষ্ট কৰিছে যে আসন বুজাবুজিৰ সিদ্ধান্ত অটুট থাকিব। বিজেপি আৰু এন ডি পি পিৰ মাজত ২০১৮ চনৰ নিৰ্বাচনৰ পূৰ্বে মিত্ৰতা অব্যাহত ৰাখিছে। ইফালে, বিজেপি নাগালেণ্ডৰ ৰাজ্যিক নিৰ্বাচন সমিতিয়েও আগন্তুক নাগালেণ্ড বিধানসভা নিৰ্বাচন ২০২৩ সন্দৰ্ভত আলোচনাৰ বাবে এখন বৈঠক অনুষ্ঠিত কৰিছে।
ৰাজ্যিক সভানেত্ৰী ইনমা আলঙৰ সভাপতিত্বত অনুষ্ঠিত হোৱা সভাত অন্যান্যসকলৰ লগতে পেটন,মন্ত্ৰী জেকব জিমোমি আৰু এছ পাংয়ু ফম, উপদেষ্টা আৰু বিজেপিৰ ৰাষ্ট্ৰীয় মুখপাত্ৰ ম্হোনলুমো কিকন, সাংসদ (ৰাজ্য সভা) আৰু সভাপতি বিজেপি মহিলা মৰ্চা নাগালেণ্ড, এছ ফাংনন কন্যাক; আৰু ৰাষ্ট্ৰীয় মুখপাত্ৰ আৰু নাগালেণ্ড প্ৰভাৰী নলিন কোহলী থাকে। ইফালে,বিজেপিৰ জ্যেষ্ঠ নেতা জেকব জিমোমিয়েও ২৮ জানুৱাৰীত থিলিচু গাঁৱত ১ নং ঘাছপানী বিধানসভাৰ সমষ্টিৰ বাবে নিজৰ প্ৰাৰ্থীত্ব আনুষ্ঠানিকভাৱে নিজেই ঘোষণা কৰে।
ইপিনে শনিবাৰে নতুন দিল্লীত এখন বৈঠকৰ সময়ত শাসকীয় নেশ্যনেলিষ্ট ডেম’ক্ৰেটিক প্ৰগ্ৰেছিভ পাৰ্টিয়ে মিত্ৰ দল বিজেপিলৈ আগন্তুক নাগালেণ্ড বিধানসভা নিৰ্বাচনৰ বাবে চাৰিখন নগৰীয়া আসনৰ পৰা বিদায় ল’বলৈ সন্মত হৈছে। এন ডি পি পিৰ সূত্ৰই অসমীয়া প্ৰতিদিন ডিজিটেলক জনোৱা অনুসৰি, বিজেপিয়ে ২০খনৰ ভিতৰত ৪ খন নগৰীয়া আসন ক্ৰমে ক'হিমা টাউন, মন টাউন, টুয়েছাং সদৰ-দ্বিতীয় আৰু ৱাখা- বিচাৰিছিল ।
মুখ্যমন্ত্ৰী নেইফিউ ৰিঅ’ই চুক্তিখন চূড়ান্ত কৰি মানি লৈছিল। ৰাজ্যিক বিজেপিৰ নেতাসকলে এই কথা নিশ্চিত কৰে। উল্লেখযোগ্য যে ২০১৮ চনৰ নিৰ্বাচনত ক'হিমা টাউনৰ পৰা এন ডি পি পিৰ প্ৰাৰ্থী ড০ নেইকিছালি (নিকি) কিৰে জয়লাভ কৰিছিল। অৱশ্যে বাকী ৩খন আসন এন পি এফৰ প্রতিদ্বন্দীসকলৰ হাতত পৰাস্ত হয় মিত্ৰজোঁটৰ প্ৰাৰ্থী ।
আৰু পঢ়কঃ ছাত্ৰীক চাকৰিৰ প্ৰলোভন, আটক দুজন
