ডিজিটেল ডেস্কঃ প্ৰবীণ ৰাজনীতিবিদ শাৰদ পাৱাৰে এন চি পিৰ সভাপতি পদ ত্যাগ কৰাক লৈ তীব্ৰ চাৰ্চা অব্যাহত আছে ৰাজনৈতিক মহলত । এই সন্দৰ্ভত বিভিন্ন জনে বিভিন্ন মত প্ৰকাশ কৰিছে ।
এন চি পিৰ মূৰব্বীজনে সভাপতিৰ আসন এৰাকলৈ মন্তব্য প্ৰদান কৰিছে মহাৰাষ্ট্ৰৰ প্ৰাক্তন মুখ্যমন্ত্ৰী উদ্ধৱ ঠাকৰে ।
বৃহস্পতিবাৰে মহাৰাষ্ট্ৰৰ প্ৰাক্তন মুখ্যমন্ত্ৰীগৰাকীয়ে কয় যে পাৱাৰে এন চি পিৰ পৰা পদত্যাগ কৰাৰ সিদ্ধান্তই মহা বিকাশ আঘাদী (এমভিএ)ৰ ঐক্যত কোনোধৰণৰ প্ৰভাৱ নপৰে ।
লগতে প্ৰাক্তন মুখ্যমন্ত্ৰী থাকৰে কয় যে মই শাৰদ পাৱাৰৰ পদত্যাগ সন্দৰ্ভত কোনোধৰণৰ মন্তব্য দিব নোখোজো ।
লগতে শাৰদ পাৱাৰে তেওঁৰ বিৰুদ্ধে কৰা মন্তব্যক লৈ প্ৰতিক্ৰিয়া প্ৰকাশ কৰি কয় যে, মহাৰাষ্ট্ৰৰ মানুহে ভালদৰে জানে মই কি কাম কৰিছো ।
লগতে তেওঁ কয় যে ৰাজ্যখনৰ জনতাই মোক তেওঁলোকৰ নিজৰ পৰিয়ালৰ সদস্য বুলি গণ্য কৰে বুলি মত প্ৰকাশ কৰে ।
তদুপৰি উদ্ধৱ থাকৰে কয় যে, প্ৰতিজন লোকৰ আত্মজীৱনী লিখাৰ অধিকাৰ আছে । লগতে সংবাদ মাধ্যমৰ আগত কয় যে এন চি পিৰ পঞ্চম সংখ্যক বৈঠকৰ বাবে অপেক্ষা কৰক বুলিও মন্তব্য কৰে ।
মঙলবাৰে শাৰদ পাৱাৰে এনচিপিৰ পৰা পদত্যাগ কৰিছে । উল্লেখ্য যে শিৱসেনা, এনচিপি আৰু কংগ্ৰেছ এমভিএত অন্তৰ্ভুক্ত । এই মিত্ৰজোঁটৰ নেতৃত্বৰ চৰকাৰে ২০১৯ চনৰ নৱেম্বৰৰ পৰা ২০২২ চনৰ জুনলৈ মহাৰাষ্ট্ৰ শাসন কৰিছিল ।
