ডিজিটেল ডেস্কঃ বুধবাৰে পুৱা এগৰাকী বিজেপি নেতাৰ মৃতদেহ উদ্ধাৰ। পশ্চিম বংগৰ বাংকুৰা জিলাৰ নিধিৰামপুৰ গাঁৱত বিজেপি নেতাগৰাকীৰ মৃতদেহ গছত ওলমি থকা অৱস্থাত উদ্ধাৰ হয়। ইয়াৰ পাছতে সমগ্ৰ অঞ্চলটোত চাঞ্চল্যৰ সৃষ্টি হয়।
মৃত অৱস্থাত পোৱা বিজেপি নেতাজনৰ নাম শুভদ্বীপ মিশ্ৰ ওৰফে দীপু। স্থানীয়লোকে অভিযোগ কৰা অনুসৰি শুভদ্বীপক কোনোলোকে হত্যা কৰি গছত ওলমাই থৈছে। অভিযুক্তক গ্ৰেপ্তাৰ কৰাৰ দাবী স্থানীয় লোকসকলে প্ৰতিবাদ সাব্যস্ত কৰা দেখা যায়। ঘটনা সন্দৰ্ভত আৰক্ষী তদন্ত অব্যাহত ৰাখিছে যে ঘটনাটো কোনো ব্যক্তিগত কাৰণত নে ৰাজনৈতিক কাৰণত সংঘটিত হৈছে।
আনহাতে বিজেপিয়ে অভিযোগ কৰিছে যে তেওঁক শাসকীয় তৃণমূল কংগ্ৰেছৰ নিৰ্দেশত হত্যা কৰা হৈছে আৰু ঘটনা সন্দৰ্ভত চিবিআইৰ তদন্তৰ দাবী কৰিছে। মৃতদেহটো উদ্ধাৰ হোৱা অৱস্থাত বিজেপি নেতাগৰাকীৰ হাত দুয়োখন বান্ধি থোৱা অৱস্থাত আছিল।
বাংকুৰা জিলাৰ মিশ্ৰ এজন বিজেপি প্ৰাৰ্থী আছিল যিয়ে ২০২৩ চনৰ পঞ্চায়ত নিৰ্বাচনত প্ৰতিদ্বন্দ্বিতা আগবঢ়াইছিল। নেতাগৰাকীৰ পৰিয়ালৰ লোকেও এয়া এক হত্যাকাণ্ড বুলি সন্দেহ কৰিছে। ঘটনা সন্দৰ্ভত ইতিমধ্যে আৰক্ষীয়ে তদন্ত অব্যাহত ৰাখিছে।
