ডিজিটেল ডেস্কঃ মাদ্ৰাছ বিশ্ববিদ্যালয়ৰ ১৬৫ তম সমাৱৰ্তনত অংশগ্ৰহণ কৰিবলৈ ৰাষ্ট্ৰপতি দ্ৰৌপদী মুৰ্মুয়ে দেওবাৰে চেন্নাইত উপস্থিত হয়। তাত তেওঁক ৰাজভৱনত 'গাৰ্ড অফ অনাৰ' দিয়া হয়।
অনুষ্ঠানটোত ভাষণ প্ৰদান কৰি তেওঁ কয় যে শিক্ষিত মহিলাসকলে অৰ্থনীতিলৈ এক ডাঙৰ অৱদান আগবঢ়াব পাৰে, বিভিন্ন ক্ষেত্ৰত নেতৃত্ব প্ৰদান কৰিব পাৰে আৰু সমাজত ইতিবাচক প্ৰভাৱ পেলাব পাৰে।
ৰাষ্ট্ৰপতিগৰাকীয়ে কয় যে বৰ্তমান বিশ্ববিদ্যালয় আৰু ইয়াৰ অনুমোদিত মহাবিদ্যালয়সমূহত প্ৰায় ১.৮৫ লাখ শিক্ষাৰ্থীয়ে অধ্যয়ন কৰি আছে। যাৰ ভিতৰত ৫০ শতাংশতকৈও অধিক মহিলা আছে।
উক্ত অনুষ্ঠানতে অংশ লৈ ৰাষ্ট্ৰপতিগৰাকীয়ে ডিগ্ৰী লাভ কৰা সকলক শুভেচ্ছা জ্ঞাপন কৰে।
