বৌয়েকৰ প্ৰেমত পৰি যুৱকে হত্যা কৰিলে পত্নী আৰু সন্তানক, ঢালিলে এচিড...

ডিজিটেল ডেস্কঃ প্ৰেমৰ নাম দি একাংশ পাষাণে অপৰাধজনিত ঘটনা সংঘটিত কৰিবলৈও কুণ্ঠাবোধ নকৰে।বৌয়েকৰ প্ৰেমৰ বাবে এজন যুৱকে অতি নৃশংসভাৱে পত্নী আৰু সন্তানত হত্যা কৰি তেওঁলোকৰ মুখত এচিড ঢালি দিয়ে।

এই ঘটনা বিহাৰৰ বৈশালী জিলাত সংঘটিত হৈছে। আৰক্ষীয়ে কেইদিনমান পূৰ্বে অজ্ঞাত মৃতদেহ উদ্ধাৰ কৰিছিল। তাৰ পাছতেই পোহৰলৈ আহে সমগ্ৰ ঘটনা। যোৱা ২৫ মাৰ্চত ভুুক্তভোগী মহিলা আৰু সন্তানৰ নিৰুদ্দেশৰ গোচৰ ৰুজু কৰিছিল পৰিয়ালৰ লোকে।

দেওবাৰে তেওঁলোকৰ মৃতদেহ চিনাক্ত কৰে পৰিয়ালৰ লোকে। মৃত্যু হোৱা মহিলাগৰাকীৰ নাম চঞ্চল দেৱী। ২০১০ চনতেই তেওঁৰ বিয়া হৈছিল অৰবিন্দ ঠাকুৰৰ লগত। কিন্তু বিয়াৰ পাছতেই তেওঁলোকৰ মাজত বিভিন্ন কাজিয়া লগা আৰম্ভ হৈছিল।

২৫ মাৰ্চতো তেওঁলোকৰ মাজত কাজিয়া হৈছিল আৰু মহিলা গৰাকীক মাৰপিট কৰিছিল স্বামীয়ে। সেই কথা মহিলা গৰাকীয়ে নিজ পিতৃক ফোনযোগে জনাইছিল আৰু তাৰ পাছতেই ফোন বন্ধ হৈছিল মহিলা গৰাকীৰ।

যেতিয়া মহিলা গৰাকীৰ পিতৃয়ে এই সন্দৰ্ভত অৰবিন্দক প্ৰশ্ন কৰিছিল তেতিয়া তেওঁ কৈছিল যে মহিলা গৰাকী সন্তানৰ সৈতে কৰবালৈ গৈছে। তাৰপাছৰ পৰাই নিৰুদ্দেশ হৈ আছিল দুয়ো। জানিব পৰা মতে অৰবিন্দৰ বৌয়েকৰ লগত অবৈধ সম্পৰ্ক আছিল। যাৰ বাবে তেওঁ এই কাণ্ড সংঘটিত কৰে। ঘটনা সন্দৰ্ভত আৰক্ষীয়ে অৰবিন্দক আটক কৰি তদন্ত অব্যাহত ৰাখিছে।

Also Read: বিষাক্ত কাঠফুলাই প্ৰাণ ল'লে এটা পৰিয়ালৰ