ডিজিটেল ডেস্কঃ শেহতীয়াকৈ সামাজিক মাধ্যম ব্যৱহাৰকাৰীসকলৰ বাবে চৰ্চিত এক বিষয় হৈ পৰিছে ব্লু টিক। শেহতীয়াকৈ গুগলেও ব্যৱহাৰকাৰীক নীলা টিক প্ৰদান কৰিবলৈ আগবাঢ়িছে ।
এই ব্লু টিক প্ৰতিষ্ঠিত ৰাজনৈতিক নেতাৰ পৰা আৰম্ভ কৰি ব্যৱসায়ী, অভিনেতা সকলো লগতে বহুত সংখ্যক ফ’লোৱাৰ্ছ থকা সামাজিক মাধ্যম ব্যৱহাৰকাৰী সকলে নিজৰ একাউন্টৰ নামৰ বিপৰীতে লাভ কৰে ।
যাৰ পৰা নিশ্চিত হ’ব পাৰি প্ৰকৃত ব্যৱহাৰকাৰীজনক । এই ব্ৰু টিক ব্যৱস্থা ফেচবুক, টুইটাৰ, ইনষ্টাগ্ৰাম আদিয়ে জনপ্ৰিয় ব্যৱহাৰকাৰী সকলক ইতিমধ্যেই প্ৰদান কৰি আহিছে ।
এই ব্লু টিক ব্যৱহাৰকাৰীসকলক প্ৰদান কৰিবলৈ সিদ্ধান্ত গ্ৰহণ কৰিছে গুগলেও ।ইতিমধ্যেই গুগলৰ 'চেকমাৰ্ক সেৱা' জিমেইললৈ অনা হৈছে। ইয়াৰ উদ্দেশ্য হৈছে ব্যৱহাৰকাৰীক প্ৰৱঞ্চনাৰ পৰা সুৰক্ষিত কৰা ।
ইয়াৰ দ্বাৰা প্ৰকৃত লোকজনৰ পৰা বাৰ্তা প্ৰেৰণ কৰা হৈছে নে নাই সেই তথ্য লাভ কৰিবলৈ সহজ হ’ব । ব্যৱসায়ৰ বাবে এই সেৱা অহা তিনি দিনৰ ভিতৰত কাৰ্যকৰী হ’ব ।
কোম্পানীটোৰ কৰ্তৃপক্ষই নিশ্চিত কৰিছে যে প্ৰতিজন গুগল ৱৰ্কস্পেচ গ্ৰাহক, জি চুইট সাধাৰণ আৰু ব্যৱসায়িক গ্ৰাহক, আনকি ব্যক্তিগত গুগল একাউণ্ট ব্যৱহাৰকাৰীসকলেও ব্লু টিক লাভ কৰিব ।
কেনেকৈ ব্যৱহাৰকাৰীয়ে লাভ কৰিব ব্লু টিক? আপুনি আপোনাৰ একাউণ্ট প্ৰথমে বিআইএমআইলৈ ছেট কৰিব লাগিব ।
ইয়াৰ বাবে প্ৰয়োজন হ’ব ডমেইন । তাৰ পিছত, ব্ৰেণ্ডৰ লোগোটো এছভিজি ফৰ্মেটত আপলোড কৰিব লাগিব আৰু ইয়াক ট্ৰেডমাৰ্ক হিচাপে পঞ্জীয়ন কৰিব লাগিব । অৱশেষত, আপুনি জিমেইলত আপোনাৰ ব্ৰেণ্ডৰ লোগোত ব্লু টিকৰ বাবে আবেদন কৰিব লাগিব ।
