ডিজিটেল ডেস্কঃ দেশত তীব্ৰগতিত বৃদ্ধি পাইছে অপৰাধজনিত ঘটনা। হত্যা, ধৰ্ষণ , লুণ্ঠন আদি সকলোফালে। ইয়াৰ মাজতে এগৰাকী যুৱতী পুনৰ নিৰ্যাতিত হয় পাষণ্ডৰ।
এই ঘটনা মহাৰাষ্ট্ৰ, পালঘৰৰ। বৃহস্পতিবাৰে আৰক্ষীয়ে জনাই যে সন্ধিয়া প্ৰেমিকৰ সৈতে ফুৰিবলৈ যোৱা যুৱতীক ধৰ্ষণ কৰে দুজনকৈ লোকে। ঘটনাটো বুধবাৰে সন্ধিয়া সংঘটিত হৈছিল।
ঘটনাৰ বিৱৰণী অনুসৰি দুই যুৱকে যুৱতী গৰাকীক ধৰ্ষণ কৰে আৰু সেই সময়ত গছত বান্ধি ৰাখে যুৱতী গৰাকীৰ প্ৰেমিকক। ঘটনাৰ পাছতে আৰক্ষীৰ ওচৰত এজাহাৰ দাখিল কৰে যুৱতীগৰাকীয়ে।
২২ আৰু ২৫ বছৰীয়া দুই অভিযুক্তত ইতিমধ্যে আৰক্ষীয়ে গ্ৰেপ্তাৰ কৰি ২৭ মাৰ্চলৈকে জিম্মাত লৈছে। জানিব পৰা মতে প্ৰথম অৱস্থাত যুৱতী গৰাকীৰ প্ৰেমিকৰ লগত দুই যুৱকৰ তৰ্ক-বিতৰ্ক হৈছিল। তাৰ পাছতে দুয়ো এই ঘটনা সংঘটিত হৈছে।
