মহাৰাষ্ট্ৰৰ ভিৱান্দিৰ কাৰখানাত বিধ্বংসী অগ্নিকাণ্ড...

ডিজিটেল ডেস্কঃ মহাৰাষ্ট্ৰৰ ভিৱান্দিৰ বাগেশ্বৰদোশ মছজিদৰ কাষত সংঘটিত হয় এক ভয়ংকৰ অগ্নিকাণ্ড। জানিব পৰা মতে মছজিদৰ কাষতে থকা এটা কাৰখানাত সংঘটিত হয় এই অগ্নিকাণ্ড।

নিশা সংঘটিত এই অগ্নিকাণ্ড ইমানেই ভয়ংকৰ আছিল যে, সমগ্ৰ অঞ্চলটো জুইৰ লেলিহান শিখাই আগুৰি ধৰিছিল। কাৰখানাটোৰ এটা বয়লাৰ বিস্ফোৰণৰ ফলত কাৰাখানাৰ কাষতে থকা আন এটা অট্টালিকাও জ্বলি উঠে।

অগ্নিকাণ্ড সংঘটিত হোৱাৰ লগে লগে প্ৰথম অৱস্থাত স্থানীয় লোকে অগ্নি নিৰ্বাপনৰ বাবে আপ্ৰাণ চেষ্টা কৰিছিল যদিও ব্যৰ্থ হয়। পৰৱৰ্তী সময়ত অগ্নি নিৰ্বাপক বাহিনীয়ে আহি জুই নিৰ্বাপনৰ চেষ্টা কৰে। দুখনকৈ অগ্নি নিৰ্বাপক বাহিনীৰ কেইবাঘণ্টাৰ প্ৰচেষ্টাত অৱশেষত জুই নিৰ্বাপিত হয়।

অৱশ্যে এই অগ্নিকাণ্ড কেনেকৈ সংঘটিত হ’বলৈ পালে সেই বিষয়ে এতিয়ালৈকে জানিব পৰা নাই। ঘটনাত হতাহতিৰো কোনো সঠিক তথ্য এই পৰ্যন্ত লাভ কৰা নাই।

Also Read: ভাৰতীয় বিজ্ঞানীলৈ আমেৰিকাৰ সন্মানীয় 'নেচনেল মেডেল অফ চাইঞ্চ' বঁটা...