প্ৰতিবাদকাৰী কৃষকক বাধা দিবলৈ কন্দুৱা গেছ নিক্ষেপ, ড্ৰোনেৰে নিৰীক্ষণ

প্ৰতিবাদকাৰী কৃষকক বাধা দিবলৈ কন্দুৱা গেছ নিক্ষেপ, ড্ৰোনেৰে নিৰীক্ষণ

ডিজিটেল ডেস্কঃ কৃষকৰ দিল্লী চলো প্ৰতিবাদ কাৰ্যসূচীৰ আজি দ্বিতীয় দিন। হাজাৰ হাজাৰ কৃষকে দিল্লী সীমান্তত প্ৰৱেশ কৰাৰ চেষ্টা কৰাৰ বিপৰীতে আৰক্ষী, নিৰাপত্তাৰক্ষীয়েও প্ৰতিবাদকাৰীসকলক বাধা দিবলৈ পূৰ্ণ চেষ্টা কৰিছে।

বুধবাৰে পুৱাৰ পৰাই আৰক্ষীয়ে প্ৰতিবাদকাৰী কৃষকৰ মাজত কন্দুৱা গেছ নিক্ষেপ কৰিছে। কালি সিংঘু সীমান্তত এক উত্তপ্ত পৰিস্থিতিৰ সৃষ্টি হৈছিল। নিশা বহু পৰলৈকে প্ৰতিবাদকাৰী কৃষকসকলৰ ওপৰত কন্দুৱা গেছ নিক্ষেপ কৰি আছিল আৰক্ষীয়ে। ইয়াৰ মাজতে প্ৰতিবাদকাৰী কৃষক আৰু আৰক্ষীৰ মাজত হোৱা হতাহতিত বহুলোক আহতও হয়।

চৰকাৰ আৰু কৃষকসকলৰ মাজত নিশাৰ ভাগত হোৱা আলোচনা অমীমাংসিত হৈ থাকে। কৃষকসকলে প্ৰথমে দিল্লীৰ ওচৰৰ সীমান্তত একত্ৰিত হোৱাৰ পৰিকল্পনা কৰিছে আৰু তাৰ পিছত পৰৱৰ্তী ৰণনীতিৰ বিষয়ে সিদ্ধান্ত লোৱাৰ পৰিকল্পনা কৰিছে। চৰকাৰে জনাইছে যে আলোচনা অব্যাহত থাকিব আৰু কৃষকসকলো আলোচনাৰ বাবে সাজু।

আনহাতে পঞ্জাৱ কৰ্তৃপক্ষই হাৰিয়ানাৰ দ্বাৰা শম্ভু সীমান্তত আন্দোলনকাৰী কৃষকসকলৰ ওপৰত কন্দুৱা গেছৰ নিক্ষেপ আৰু ড্ৰোন ব্যৱহাৰ কৰাত আপত্তি দৰ্শাইছে।

প্ৰতিবাদকাৰী কৃষকক বাধা দিবলৈ কন্দুৱা গেছ নিক্ষেপ, ড্ৰোনেৰে নিৰীক্ষণ
ৰাজ্যৰ বিভিন্ন প্ৰান্তৰ দৰে বটদ্ৰৱাৰ বিভিন্ন শিক্ষানুষ্ঠানত বাক্দেৱী বন্দনা...

Related Stories

No stories found.
Code:
logo
Asomiya Pratidin
www.asomiyapratidin.in