ডিজিটেল ডেস্কঃ আহি আছে ঘূৰ্ণী বতাহ। ভাৰতীয় বতৰ বিজ্ঞান বিভাগৰ তথ্য অনুসৰি বংগোপসাগৰৰ ওপৰত ঘূৰ্ণীবতাহৰ সম্ভাৱনা আছে। বতৰ বিজ্ঞান বিভাগৰ বিষয়াই জনাই যে শনিবাৰে পুৱাৰ ভাগত দক্ষিণ-পূৱ বংগোপ সাগৰ আৰু ইয়াৰ কাষৰীয়া অঞ্চল সমূহত ঘূৰ্ণী বতাহৰ লক্ষণ দেখা গৈছিল।
ইয়াৰ প্ৰভাৱ ৮ মে'লৈ সেই অঞ্চলখিনিত থকাৰ সম্ভাৱণা আছে। ৯ মে'ত আশে পাশে পৰিস্থিতি কিছু গম্ভীৰ হ'ব পাৰে। পাছত এই বতাহ পশ্চিম বংগৰ মাজভাগত প্ৰৱল হোৱাৰ সম্ভাৱণা আছে। বৰ্তমান ইয়াৰ ওপৰত বতৰ বিজ্ঞানী সকলে নিৰীক্ষণ কৰি আছে।
৮ মে'ৰ পৰা ১২ মে পৰ্যন্ত বেছিভাগ অঞ্চলত মধ্যমীয়া বৰষুণ হ'ব পাৰে। ৮ ৰ পৰা ১১ মে'ত বিভিন্ন স্থানত অধিক ধাৰাসাৰ বৰষুণ হ'ব পাৰে।১০ মে'ত, আন্দামান আৰু নিকোবৰ দ্বীপপুঞ্জত ধাৰাসাৰ বৰষুণ হোৱাৰ সম্ভাৱনা আছে।
এই বতাহৰ গতিবেগ প্ৰতি ঘন্টাত ৭০-৭০ কিলোমিটাৰ হ'ব পাৰে। ১০ তাৰিখৰ পৰা বতাহ বৃদ্ধি হোৱাৰ সম্ভাৱণা আছ। ইতিমধ্যে বতৰ বিজ্ঞানী সকলে মাছমৰীয়া আৰু দাঁতিকাষৰীয়া লোক সকলক সতৰ্কতা অৱলম্বন কৰিবলৈ আহ্বান জনাইছে।
