ডিজিটেল ডেস্কঃ সামাজিক মাধ্যমত ধৰ্মীয় অনূভুতিক আঘাট কৰা বিতৰ্কিত পষ্ট কৰি ভাৰতীয় নাগৰিকত্ব হেৰুৱালে এজন কানাডিয়ান অভিনেতাই । অভিনেতা চেতন কুমাৰ অহিমসাই টুইটাৰযোগে এটি পষ্ট কৰিছিল । য’ত তেওঁ উল্লেখ কৰিছিল যে "হিন্দুত্ব মিছাৰ ওপৰত প্ৰতিস্থিত" । এই পষ্টৰ পিছতেই ২১ মাৰ্চত অভিনেতাগৰাকীক বেংঙ্গালোৰো আৰক্ষীয়ে গ্ৰেপ্তাৰ কৰিছিল ৷
অৱেশ্যে এয়াই প্ৰথম নহ’য় ইয়াৰ পূৰ্বেও ২০২২ চনৰ ফেব্ৰুৱাৰী মাহত কৰ্ণাটক উচ্চ ন্যায়ালয়ৰ ন্যায়াধীশ কৃষ্ণ দীক্ষিতৰ বিৰুদ্ধে কৰা এটা টুইটৰ বাবে গ্ৰেপ্তাৰ কৰা হৈছিল চেতন কুমাৰক ৷
কেন্দ্ৰীয় চৰকাৰে কানাড়াৰ অভিনেতা চেতন কুমাৰ অহিমসাক ভিছা বাতিল কৰিছে । আৰু অ চি আই কাৰ্ড ঘূৰাই দিবলৈ অভিনেতাগৰাকীক ১৫ দিনৰ সময় দিয়া হৈছে ।
এই অ চি আই হৈছে ভাৰতীয় মূলৰ বিদেশী লোকসকলক ভাৰতত অনুপ্ৰৱেশ কৰিবলৈ দিয়া এক মৰ্যদা ৷ এই কাৰ্ডৰ অধিকাৰীসকলক ভিছাৰ অবিহনে ভ্ৰমনৰ উপৰিও কৰ্মসংস্থাপন, আৰু শিক্ষাৰ বাবে ভাৰতত থাকিবলৈ অনুমতি প্ৰদান কৰা হয় ৷
উল্লেখ্য যে এই কাৰ্ড অধিকাৰীসকল প্ৰকৃততে ভাৰতীয় নাগৰিক নহয় ৷ তেওঁলোকে দেশৰ নিৰ্বাচনত ভোটদান কৰিব নোৱাৰে ৷ আৰু এই মৰ্যদা যি কোনো পৰিস্থিতিত কৰ্তন কৰিব পাৰে ভাৰত চৰকাৰে ৷
অ চি আই কাৰ্ড জমা দিৱলৈ ১৫ দিনৰ সময়সীমা প্ৰদান কৰাকলৈ অভিনেতাগৰাকীয়ে কয় যে এই কেইদিনত তেওঁ উচ্চতম ন্যায়ালয়ৰ দ্বাৰস্থ হ’ব ৷ উল্লেখ্য যে মাৰ্চত গ্ৰেপ্তাৰৰ পিছতেই অভিনেতাজন বৰ্তমানে জামিনত আছে ৷
