ডিজিটেল ডেস্কঃ নিৰ্বাচন আয়োগৰ তথ্য অনুসৰি দিনৰ ১ বজালৈকে ২১ খন ৰাজ্য আৰু কেন্দ্ৰীয় শাসিত অঞ্চলৰ ভিতৰত ত্ৰিপুৰা আৰু পশ্চিমবংগত ভোটদানৰ হাৰে অতিক্ৰম কৰিলে ৫০ শতাংশৰ ঘৰ। ত্ৰিপুৰাত ১ বজালৈকে মুঠ ৫৩.০৪ শতাংশ আৰু পশ্চিমবংগত ৫০.৯৬ শতাংশ ভোটাধিকাৰ সাব্যস্ত হৈছে।
ইয়াৰ বিপৰীতে সৰ্বনিম্ন ভোটাধিকাৰ সাব্যস্ত হৈছে লক্ষাদ্বীপত। কেন্দ্ৰীয় শাসিত অঞ্চলটোত এই পৰ্যন্ত মাত্ৰ ২৯.৯১ শতাংশ ভোটাধিকাৰ হে সাব্যস্ত হৈছে। সেইদৰে মহাৰাষ্ট্ৰতো ভোটধিকাৰৰ হাৰ যথেষ্ট কম। ৰাজ্যখনত এই পৰ্যন্ত মাত্ৰ ৩২.৩৬ শতাংশহে ভোটাধিকাৰ সাব্যস্ত হৈছে।
একেদৰে বিহাৰত মাত্ৰ ৩২.৪১ শতাংশ, ৰাজস্থানত ৩৩.৭৩ শতাংশ, আন্দামান আৰু নিকোবৰত ৩৫.৭০ শতাংশ, অৰুণাচল প্ৰদেশত ৩৫.৭৫ শতাংশ, ছিকিমত ৩৬.৮২ শতাংশ, মিজোৰামত ৩৭.৪৩ শতাংশ, উত্তৰ প্ৰদেশত ৩৬.৯৬ শতাংশ, উত্তৰাখণ্ডত ৩৭.৩৩ শতাংশ, নাগালেণ্ডত ৩৯.৩৩ শতাংশ, তামিলনাডুত ৩৯.৫১ শতাংশ, ছত্তিশগড়ত ৪২.৫৭ শতাংশ, জম্মু আৰু কাশ্মীৰত ৪৩.১১ শতাংশ, মধ্যপ্ৰদেশত ৪৪.৪৩ শতাংশ, পুডুচেৰীত ৪৪.৯৫ শতাংশ, অসমত ৪৫.১২ শতাংশ, মণিপুৰত ৪৬.৯২ শতাংশ, মেঘালয়ত ৪৮.৯১ শতাংশ ভোটাধিকাৰ সাব্যস্ত হৈছে।
