জীৱন যাত্ৰাত কেতিয়াও নিছিঙে প্ৰেমৰ বান্ধোন...

ডিজিটেল ডেস্ক: আৰম্ভ হ'ল ভেলেণ্টাইন সপ্তাহ। প্ৰতি বছৰে ৭ৰ পৰা ১৪ ফেব্ৰুৱাৰীলৈ প্ৰেমিক-প্ৰেমিকাসকলে পালন কৰে প্ৰেমৰ এই বিশেষ সপ্তাহ। এই সপ্তাহৰ প্ৰতিটো দিনেই প্ৰেম আৰু সম্পৰ্কক বিশেষ কৰি তোলাৰ বাবে উৎসৰ্গা কৰা হয়। সপ্তাহটোৰ পঞ্চম দিন অৰ্থাৎ ১১ ফেব্ৰুৱাৰীৰ দিনটো হৈছে 'প্ৰমিছ ডে' বা প্ৰতিশ্ৰুতি দিৱস। প্ৰতিশ্ৰুতি দিৱসৰ অৰ্থ হ’ল ইজনে সিজনক সঁচা প্ৰতিশ্ৰুতি দি নিজৰ সম্পৰ্ক মজবুত কৰা।

বিশ্বাস, সততা আৰু সৰু সৰু প্ৰতিশ্ৰুতিৰ দ্বাৰা সম্পৰ্কবোৰ গঢ় লৈ উঠে। যদি আপুনি আপোনাৰ সম্পৰ্কক দীৰ্ঘম্যাদীভাৱে সুখী কৰিব বিচাৰে তেন্তে এই দিৱসত আপোনাৰ প্ৰিয়জনক দিয়ক তলত উল্লেখ কৰা প্ৰতিশ্ৰুতিবোৰ...  

'তোমাৰ সুখ মোৰ দায়িত্ব'

শক্তিশালী সম্পৰ্কৰ মূলতে হ’ল দুয়োজন সংগীয়ে ইজনে সিজনৰ সুখৰ প্ৰতি গুৰুত্ব দিয়া। আপোনাৰ সংগীক প্ৰতিশ্ৰুতি দিয়ক যে আপুনি তেওঁক সুখী কৰি ৰাখিবলৈ, তেওঁৰ অনুভৱ বুজিবলৈ আৰু প্ৰতিটো পৰিস্থিতিত তেওঁক সহায় কৰিবলৈ আপোনাৰ সাধ্য অনুসৰি চেষ্টা কৰিব। দুয়োজনে যেতিয়া ইজনে সিজনৰ সুখক অগ্ৰাধিকাৰ দিয়ে তেতিয়া স্বয়ংক্ৰিয়ভাৱে সম্পৰ্ক গভীৰ হৈ পৰে।

'তোমাক সলনি কৰিবলৈ চেষ্টা নকৰো'

প্ৰায়ে সম্পৰ্কত মানুহে নিজৰ পছন্দ অনুসৰি নিজৰ সংগীক সলনি কৰিব বিচাৰে। ইয়াৰ ফলত সম্পৰ্কত ফাঁট মেলিব পাৰে। এই প্ৰতিশ্ৰুতি দিৱসত আপোনাৰ সংগীক যিধৰণৰ, সেইধৰণেইন তেওঁৰ গ্ৰহণ কৰাৰ প্ৰতিশ্ৰুতি দিয়ক। প্ৰকৃত প্ৰেম হ’ল সেই প্ৰেম য’ত ইজনে-সিজনক কেৱল নিজৰ বুলি অনুভৱ কৰিব পাৰে, ইজনে-সিজনক সলনি কৰাৰ প্ৰয়াস প্ৰেমত কৰা নহয়।

'তুমি সদায় মোৰ প্ৰথম অগ্ৰাধিকাৰ'

সম্পৰ্ক এটাৰ বাবে সময় আৰু গুৰুত্ব নিয়োগ কৰাটো অতি গুৰুত্বপূৰ্ণ। আপোনাৰ সংগীক প্ৰতিশ্ৰুতি দিয়ক যে তেওঁ আপোনাৰ জীৱনত বিশেষ আৰু শীৰ্ষ অগ্ৰাধিকাৰ হিচাপে থাকিব। লগতে সম্পৰ্কত সততা আৰু স্বচ্ছতা বজাই ৰখাৰ প্ৰতিশ্ৰুতি দিয়ক। আপুনি নিজকে সন্দেহ নকৰিব আৰু বিশ্বাস ভংগ কৰা কোনো পৰিস্থিতিৰ সৃষ্টি হ’বলৈ নিদিব।

'ভাল-বেয়া সকলো পৰিস্থিতিত মই তোমাৰ সৈতে থাকিম'

জীৱনৰ ভাল আৰু বেয়া দুয়োটা সময়েই থাকে। প্ৰকৃত প্ৰেম হ’ল কঠিন সময়ত ইজনে-সিজনৰ কাষত থিয় দিয়া। আপোনাৰ সংগীক প্ৰতিশ্ৰুতি দিয়ক যে পৰিস্থিতি যিয়েই নহওক কিয়, আপুনি তেওঁলোকক কেতিয়াও এৰি নিদিয়ে। আপুনি কেতিয়াও তেওঁলোকক অকলশৰীয়া অনুভৱ কৰিবলৈ নিদিব।

'তোমাৰ সপোন মোৰ হ'ব'

ভাল সম্পৰ্কত কেৱল একেলগে থাকিলেই নহ’ব, ইজনে সিজনৰ সপোনক সন্মান কৰাটোও গুৰুত্বপূৰ্ণ। এই দিনটোত আপোনাৰ সংগীক তেওঁলোকৰ সপোন আৰু লক্ষ্যত উপনীত হোৱাত সহায় কৰাৰ প্ৰতিশ্ৰুতি দিয়ক। কেৰিয়াৰ হওক, চখ হওক বা ব্যক্তিগত বৃদ্ধি হওক, আপুনি হ’ব তেওঁলোকৰ আটাইতকৈ ডাঙৰ সমৰ্থন। প্ৰতিজন ব্যক্তিৰ জীৱনত এনে এজন সংগীৰ প্ৰয়োজন, যিয়ে তেওঁলোকৰ সপোনবোৰ বুজি পায় আৰু উৎসাহিত কৰে।

উল্লেখ্য যে, প্ৰতিশ্ৰুতি দিৱস কেৱল প্ৰতিশ্ৰুতি দিয়াৰে দিন নহয়, প্ৰতিশ্ৰুতি পালন কৰিবলৈ সোঁৱৰাই দিয়াৰো দিন। সৰু সৰু আন্তৰিক প্ৰতিশ্ৰুতিয়ে সম্পৰ্কক শক্তিশালী, সুন্দৰ আৰু দীৰ্ঘস্থায়ী কৰি তোলে।