ডিজিটেল সংবাদ বটদ্ৰৱাঃ ৯ দিন ধৰি নিৰুদ্দেশ হৈ আছে জাজৰিৰ উদিয়মান যুৱক চাহিদ মুখাৰিজ। হাইদৰাবাদৰ এটা ব্যক্তিগত কোম্পানীত কৰ্মৰত চাহিনক লগত যোৱা ৫ ডিচেম্বৰৰ পৰা যোগাযোগ বিচিন্ন হৈ আছে পিতৃ-মাতৃ আৰু পৰিয়ালৰ।
বটদ্ৰৱা সমষ্টিৰ অন্তৰ্গত তথা মিকিৰভেটা আৰক্ষী থানাৰ অন্তৰ্গত জাজৰি মোলান কামোৰা গাঁৱৰ আব্দুল মুকিব আৰু চাহিৰুন নিচাৰ জ্যেষ্ঠ পুত্র চাহিল হাইদৰাবাদৰ ব্যক্তিগত কোম্পানীত কৰ্মৰত আছিল। যোৱা ৫ ডিচেম্বৰত অসমলৈ বিশেষ কামত আহিছিল যদিও গুৱাহাটীৰ পৰাই পুনৰ কৰ্মস্থানলৈ ঘূৰি যোৱাৰ কথা ফোন যোগে পৰিয়ালক জনাইছিল।
সেয়াই আছিল শেষ যোগাযোগ। তাৰ পিছৰ পৰা কোনোধৰণৰ যোগাযোগ নাপাই পৰিয়াল আৰু পিতৃ-মাতৃ হাহাকাৰ পৰিস্থিতিৰ সৃষ্টি হৈছে। ইতিমধ্যে মিকিৰভেটা আৰক্ষী থানাৰ সহায় বিচাৰিছে পৰিয়ালটিয়ে।
ক্লিক কৰি পঢ়কঃ মূৰে কপালে হাত দিছে কৃষকে ! পানীৰ অভাবত শুকাই আহিছে ৰবি শস্য...
