ডিজিটেল সংবাদ নুমলীগড়: বিহুৰ উৰুকাৰ প্ৰাক মুহূৰ্তত মজুৰি আদায়ৰ বাবে প্ৰতিবাদমূখৰ হ'ব লগা হৈছে শ্ৰমিক ৷ বহিৰাগত টুৱামেন কোম্পানীৰ উপ-ঠিকাদাৰ চাহানুৰ আহমেদৰ বাবেই শ্ৰমিকে বিহুৰ প্ৰাকমুহূৰ্তত কান্দিব লগা হৈছ ৷
ইতিমধ্যে মূল ঠিকাদাৰী প্ৰতিষ্ঠান টুৱামেনৰ সকলো কৰ্মচাৰীয়ে কাৰ্যালয়ত তলা মাৰি পলায়ন কৰিছে ৷ উপ-ঠিকাদাৰ চাহানুৰে শ্ৰমিকক মজুৰি আদায় দিয়াটো দায়িত্ব যদিও মজুৰি আদায়ৰ বাবে উপস্থিত হোৱা নাই চাহানুৰ আহমেদ ৷
যাৰ বাবে অনিশ্চয়তাত ভূগি শ্ৰমিকে অসম বায়’ ৰিফাইনেৰীৰ কাৰ্যালয়ৰ সন্মুখত আজি প্ৰতিবাদী কাৰ্যসূচী গ্ৰহণ কৰে ৷ ঠিকাদাৰ চাহানুৰক শীঘ্ৰেই ব্লেক লিষ্টেদ কৰাৰ লগতে আজিৰ ভিতৰত প্ৰাপ্য মজুৰি আদায় দিয়াৰ দাবী জনায় ৷
অন্যথা সকলো শ্ৰমিকে বিহুৰ বাবে ঘৰলৈ নগৈ প্ৰতিষ্ঠানৰ সন্মুখতে অবিৰত প্ৰতিবাদী কাৰ্যসূচী গ্ৰহণ কৰিব বুলি সকিয়াই দিয়ে ৷
ক্লিক কৰি পঢ়কঃ ভূপেন বৰাৰ দিনতে ধ্বংস হৈছে কংগ্ৰেছঃ মন্ত্ৰী পীযুষ হাজৰিকা
