চিচিবৰগাঁৱত জঘন্য ঘটনাঃ এগৰাকী মহিলাক যৌন নিৰ্যাতন তিনি যুৱকৰ....

ডিজিটেল সংবাদ,চিলাপথাৰঃ  নৱবৰ্ষৰ আৰম্ভণিৰ দিনতে চিচিবৰগাঁৱত সংঘটিত হয় এক জঘন্য ঘটনা ।এগৰাকী বিবাহিতা মহিলাক তিনিজন যুৱকে মিলি যৌন নিৰ্যাতন চলায় মুমুৰ্ষূ অৱস্থাত পেলাই থৈ যায় বেওৰা নদীৰ পাৰত ।

অভিযোগ অনুসৰি চিচিবৰগাঁৱৰ সমীপৰ গেলুৱাচুক গাঁৱৰ এগৰাকী ২৪ বছৰীয়া মহিলাই আবেলি প্ৰায় ৩ মান বজাত গা ধুবলৈ বুলি বেউৰা নদীলৈ গৈছিল । সন্ধিয়ালৈকে ঘূৰি নহাত শাহুৱেকে বিচাৰি গৈ নদীৰ পাৰত মুমুৰ্ষূ অৱস্থাত পৰি থকা দেখি হুলস্থুল লগায় ।

প্ৰাথমিক অৱস্থাত চিচিবৰগাঁৱৰ চিকিৎসালয়লৈ চিকিৎসাৰ বাবে নিয়ে যদিও পৰৱৰ্তী সময়ত মহিলাগৰাকীক ধেমাজিৰ অসামৰিক চিকিৎসালয়লৈ প্ৰেৰণ কৰা হয় । আঘাত গুৰুতৰ হোৱাৰ বাবে আজি উন্নত চিকিৎসাৰ বাবে মহিলাগৰাকীক প্ৰেৰণ কৰা হয় ডিব্ৰুগড়ৰ অসম চিকিৎসা মহাবিদ্যালয়লৈ ।

মহিলাগৰাকীয়ে জানিবলৈ দিয়া অনুসৰি তিনিজন যুৱকে লগলাগি মহিলাগৰাকীক উপৰ্যুপৰি যৌন নিৰ্যাতন চলোৱাৰ লগতে মুখত আঘাত কৰাত উপৰি ডিঙি চেপি হত্যা কৰাৰ চেষ্টা কৰে । উক্ত ঘটনা সন্দৰ্ভত আজি পৰিয়ালৰ লোকে চিচিবৰগাঁও আৰক্ষী চকীত এজাহাৰ দাখিল কৰিছে । অপৰাধীক শীঘ্ৰে কৰায়ত্ব কৰি ন্যায় প্ৰদানৰ দাবী তুলিছে স্থানীয় ৰাইজে ।

পৰিয়ালৰ অভিযোগৰ ভিত্তিত বৰ্তমানে আৰক্ষীয়ে অব্যাহত ৰাখিছে অনুসন্ধান প্ৰক্ৰিয়া।