ভাৰত-ম্যানমাৰৰ সীমান্তৰ বেৰ দিয়াক লৈ ক'হিমাত হাজাৰ হাজাৰ নগাৰ উত্তাল প্ৰতিবাদ

ডিজিটেল সংবাদ, বেকাজান : বুধবাৰে নাগালেণ্ডৰ ৰাজধানী ক'হিমাত ভাৰত-ম্যানমাৰৰ সীমান্তৰ কাঁইটীয়া বেৰ দিয়াৰ বিৰুদ্ধে হাজাৰ হাজাৰ লোকে প্ৰতিবাদ সাব্যস্ত কৰে। আংগামী পাবলিক অৰেগনাইজেচন আৰু নগা ট্ৰাইবেল ইউনিটৰ উদ্যোগত ভাৰত আৰু ম্যানমাৰত বসবাস কৰা নগাসকলে ঐতিহাসিক কালৰ পৰা মুক্ত চলাচল ব্যৱস্থাটোক ভাৰত চৰকাৰে কাঁইটীয়া বেৰা দিয়াটো গ্ৰহণযোগ্য নহয়” বুলি অভিহিত কৰে।

লগতে ভাৰত চৰকাৰক মুক্ত আন্দোলন ব্যৱস্থা (এফএমআৰ)ক মূল ৰূপত পুনৰ ঘূৰাই আনি সংৰক্ষিত এলেকাৰ অনুমতি (পিএপি) আঁতৰাবলৈ দাবী জনায়। ক'হিমা জিলাৰ অন্তৰ্গত আংগামী ৰাজহুৱা সংগঠন (এ পি অ’) আৰু সকলো নগা জনজাতীয় ইউনিটৰ উদ্যোগত ক'হিমাত শতাধিক লোকে অংশগ্ৰহণ কৰে।

উল্লেখ্য যে, যোৱা কিছুদিনত এফএমআৰ বাতিল, ভাৰত-ম্যানমাৰ সীমান্তত বেৰ দিয়া, পিএপি পুনৰ জাপি দিয়াৰ ক্ষেত্ৰত সমগ্ৰ নাগালেণ্ড আৰু নগা বসতিপ্ৰধান অঞ্চলৰ লোকে তীব্ৰ ক্ষোভ প্ৰকাশ কৰিছে।  সমাৱেশৰ অন্তত নগালেণ্ডৰ ৰাজ্যপালৰ জৰিয়তে কেন্দ্ৰীয় গৃহমন্ত্ৰীলৈ এখন স্মাৰক পত্ৰ দাখিল কৰা কৰে । স্মাৰকপত্ৰত উল্লেখ কৰে যে ম্যানমাৰত বাস কৰা নগাসকলে নিয়মিতভাৱে বিপণন, স্বাস্থ্যসেৱা, আৰু শিক্ষাৰ দৰে অত্যাৱশ্যকীয় প্ৰয়োজনীয়তাৰ বাবে  নাগালেণ্ডৰ মন চহৰলৈ যায়।  কিয়নো ম্যানমাৰৰ ফালৰ পৰা সুবিধাসমূহ অনুন্নত হৈয়েই আছে।

ম্যানমাৰৰ ফালৰ গাঁৱৰ ছাত্ৰ-ছাত্ৰীয়ে ৰাজ্য চৰকাৰৰ দুখন প্ৰতিষ্ঠানকে ধৰি অঞ্চলটোৰ পাঁচখন বিদ্যালয়ত অধ্যয়ন কৰে। ভাৰত চৰকাৰে সীমান্তত বেৰা দিয়া কাৰ্যই নগাসকল অসুবিধাত পেলাব। গতিকে ইষ্টাৰ্ণ নগাসকলে সকীয়াই দি কয়, ‘কেন্দ্ৰই যদি এফ এম আৰ এলেকা হ্ৰাস কৰি সীমান্তত বেৰ দিয়ে তেন্তে ই কন্যাক নগাসকলৰ বাবে অপৰিসীম কষ্টৰ সৃষ্টি কৰিব।

উল্লেখযোগ্য যে ২০১৮ চনত প্ৰৱৰ্তন কৰা ভাৰত-ম্যানমাৰ মুক্ত আন্দোলন ব্যৱস্থাৰ জৰিয়তে দুয়োপাৰে সীমান্তৰ ১৬ কিলোমিটাৰৰ ভিতৰত বাস কৰা লোকসকলে ৭২ ঘণ্টালৈকে ভিছাবিহীনভাৱে যাত্ৰা কৰিব পাৰে। কিন্তু শেহতীয়াকৈ কেন্দ্ৰই ৰাষ্ট্ৰীয় নিৰাপত্তাৰ চিন্তাৰ উদ্ধৃতি দি এই দূৰত্ব ১০ কিলোমিটাৰলৈ হ্ৰাস কৰাৰ প্ৰস্তাৱ আগবঢ়াইছে। অৱশ্যে  নগালেণ্ড আৰু মণিপুৰ সীমান্তৱৰ্তী জনগোষ্ঠীৰ ক্ৰমবৰ্ধমান উদ্বেগক কেন্দ্ৰীয় চৰকাৰে এতিয়াও আনুষ্ঠানিকভাৱে প্ৰত্যুত্তৰ দিয়া নাই।