ডিজিটেল সংবাদ, নুমলীগড়ঃ নুমলীগড়ৰ এক নং পংকাগ্ৰান্ট জোতিষ্ময় মইনা পাৰিজাতৰ উদ্যোগত অনুষ্ঠিত হয় সাংস্কৃতিক শোভাযাত্ৰা । কণমানিসকলৰ মাজত এক আনন্দপূৰ্ণ পৰিৱেশে বিৰাজ কৰে এই শোভাযাত্ৰাই ।
কোনোৱে নাচিছে ,কোনোৱে গাইছে । কোনোটি শিশু আকৌ ভাৱৰীয়াৰ বেশত । কোনোৱে ভাও লৈছে লৱ-কুশৰ। তাৰ মাজতে বিয়াৰ পানী তোলাৰ দৃশ্যই ৰাইজক দৃষ্টি আকৰ্ষণ কৰে। মুঠৰ ওপৰত শিশুসকলৰ প্ৰয়াস কিবা এটা কৰাৰ ।
উল্লেখ্য যে জোতিস্ময় মইনা পাৰিজাতৰ উদ্যোগত দুদিনীয়া কাৰ্যসূচীৰে অনুষ্ঠিত হয় দ্বি-বাৰ্ষিক শিশু সমাৰোহ । বিভিন্ন কাৰ্যসূচীৰ লগতে ছাত্ৰ ছাত্ৰীৰ মাজত অনুষ্ঠিত হয় বহুকেইটা প্ৰতিযোগিতা ।
ইয়াৰ সমান্তৰালকৈ প্ৰথম দিনৰ কাৰ্যসূচী অনুসৰি দৌৰ, সংগীত চকী,সংগীত বল,স্মৃতি পৰীক্ষা, কবিতা, কুইজ আদি বিভিন্ন ধৰণৰ প্ৰতিযোগিতা মইনাসকলৰ মাজত অনুষ্ঠিত হয় ।
