ডিজিটেল ডেস্ক : বিশ্বকাপৰ ছেমি ফাইনেলত প্ৰৱেশ কৰা প্ৰথমটি আফ্ৰিকান দল ৰূপে মৰক্কো পৰিগণিত হোৱাৰ পাছতেই খেল পথাৰতেই পুত্ৰ তথা মৰক্কোৰ ডিফেণ্ডাৰ আচৰাফ হাকিমিৰ মাতৃ মগ্ন হ'ল নৃত্যত । ইয়াৰ সৈতেই কেৱল খেলত জয়লাভ কৰাৰ বাবেই নহয় বৰং বিজয় উদযাপনৰ ক্ষেত্ৰতো জনপ্ৰিয় হৈ পৰিল মৰক্কো এনিশাৰ ভিতৰতেই ।
উল্লেখ্য যে, ৰাউণ্ড ১৬ৰ খেলত স্পেইনৰ বিৰুদ্ধে বিজয়ী পেনাল্টী গ'ল দি মাতৃৰ সৈতে বিজয় উদযাপন কৰিছিল হাকিমিয়ে । আৰু তাৰেই অনুৰূপ উদযাপন দেখা গ'ল কোৱাৰ্টাৰ ফাইনেলত পৰ্টুগালক পৰাস্ত কৰাৰ পাছতো । বিশ্ব কাপৰ ছেমি ফাইনেলত প্ৰৱেশ কৰা প্ৰথমটি আফ্ৰিকান দলৰূপে পৰিগণিত হোৱাৰ পাছতেই খেল পথাৰতেই মাতৃৰ সৈতে আনন্দত আত্মহাৰা হৈ নৃত্যত মগ্ন হ'ল খেলুৱৈ গৰাকী ।
অৱশ্যে কেৱল হাকিমিয়েই নহয় বৰং দলটিৰ মুখ্য প্ৰশিক্ষক ৱালিড ৰেগ্ৰাগুইয়ে কোৱাৰ্টাৰ ফাইনেলত বিজয় লাভ কৰি ষ্টেণ্ডত থকা মাতৃৰ সৈতে বিজয় উদযাপন কৰিবলৈ যোৱা ভিডিঅ'ও চৰ্চিত হৈছিল সামাজিক মাধ্যমত ।
আৰু পঢ়ক : বিশ্বকাপৰ পৰা দু:সহ বিদায় ৰোনাল্ডোৰ...
