মিজোৰামৰ শিলৰ কুৱেৰী দুৰ্ঘটনা : উদ্ধাৰ ৮ টা মৃতদেহ...

ডিজিটেল ডেস্ক : সোমবাৰে মিজোৰামত সংঘটিত হয় এক ভয়ংকৰ ঘটনা। পাহাৰৰ পৰা শিলৰ কুৱেৰী খহি পৰি শিল-বালিৰ তলত জীৱন্তে পোত যায় ১২ জনতকৈ অধিক শ্ৰমিক। মঙলবাৰে হনাথিয়েল জিলাৰ মৌদাৰহ গাঁৱৰ ঘটনাস্থলীৰ পৰা এতিয়ালৈকে মুঠ ৮ টা মৃতদেহ উদ্ধাৰ কৰিবলৈ সক্ষম হৈছে।

ঘটনাটো সোমবাৰে আবেলি প্ৰায় ২.৪০ বজাত হনাথিয়াল জিলাৰ মৌদাৰহ অঞ্চলত সংঘটিত হৈছিল। উল্লেখ্য যে শিল-বালিত পোত যোৱা ১২ জন শ্ৰমিকৰ ভিতৰত ৪ জন আছিল এবিচিআই ইনফ্ৰাষ্ট্ৰাকচাৰ প্ৰাইভেট লিমিটেডৰ কৰ্মচাৰী আৰু ৮ জন আছিল ঠিকাদাৰ।

মঙলবাৰে পুৱা দুজন বিষয়া আৰু ১৩ জন কৰ্মচাৰীক লৈ এনডিআৰএফৰ দল ঘটনাস্থলীত উপস্থিত হৈ উদ্ধাৰ অভিযান চলাই ৮ গৰাকী লোকক উদ্ধাৰ কৰিবলৈ সক্ষম হয়।

উল্লেখ্য যে, এই ঘটনাত খননকাৰী মেছিনৰ সৈতে কেইবাটাও মেচিন মাটিত পোত যায়। ঘটনা স্থলীত এতিয়াও উদ্ধাৰ অভিযান অব্যাহত আছে।

আৰু পঢ়ক : মহানগৰীত দুগৰাকী বহি:ৰাজ্যৰ মহিলাৰ ধন লুটিলে দুৰ্বৃত্তই