কাছাৰী ময়দানত বিতৰণ আনন্দৰাম বৰুৱা বঁটা আৰু বানীকান্ত কাকতি বঁটা

ডিজিটেল সংবাদ,  ধেমাজিঃ ধেমাজি জিলা প্ৰশাসনৰ উদ্যোগত ধেমাজি কাছাৰী ময়দানত শুক্ৰবাৰে ছাত্ৰ-ছাত্ৰীৰ মাজত বিভিন্ন শিতানত বিতৰণ কৰা হয় বঁটা । হাইস্কুল শিক্ষান্ত পৰীক্ষাত ৭৫% শতাংশতকৈ অধিক নম্বৰৰে উৰ্ত্তীৰ্ণ ছাত্ৰ-ছাত্ৰী জিলা খনৰ ৫৩৭ গৰাকীক আনন্দৰাম বৰুৱা বঁটা,  মুখ্যমন্ত্ৰীৰ বিশেষ আঁচনিৰ অধীনত নৱম শ্ৰেণীৰ ৯,৯৯০ গৰাকী ছাত্ৰ -ছাত্ৰীক চাইকেল আৰু প্ৰজ্ঞান ভাৰতী আঁচনিৰ বানীকান্ত কাকতি বঁটাৰ অধীনত ১৩৭০ গৰাকী ছাত্ৰ-ছাত্ৰীৰ মাজত স্কুটী বিতৰণ কৰে শিক্ষা মন্ত্ৰী ড° ৰনোজ পেগুৱে ৷

এই উপলক্ষে জিলা আয়ুক্ত কাৰ্যালয়ৰ কৰ্মচাৰী আদিত্য হাজৰিকাই আঁত ধৰা সভাখনিৰ আদৰণি ভাষণ দিয়ে ধেমাজিৰ জিলা আয়ুক্ত ৰাহুল সুৰেশ জাভীৰে ৷ অনুষ্ঠানত অতিথি হিচাপে উপস্থিত থাকে ধেমাজি জিলা নগৰ উন্নয়ন প্ৰাধিকৰণৰ অধ্যক্ষ তোলন কোঁৱৰৰ লগতে  ধেমাজি জিলা আৰক্ষী অধীক্ষক হিতেশ চন্দ্ৰ ৰায় ইত্যাদি ।