ফাগুন নামিছেঃ ৰঙা শিমলুয়ে ৰঙিয়াল কৰিছে কাজিৰঙাক...

ফাগুন নামিছেঃ ৰঙা শিমলুয়ে ৰঙিয়াল কৰিছে কাজিৰঙাক...
ফাগুন নামিছেঃ ৰঙা শিমলুয়ে ৰঙিয়াল কৰিছে কাজিৰঙাক...

ডিজিটেল সংবাদ, কাজিৰঙাঃ  সেউজ প্ৰকৃতিৰ ৰং সলাই ফাগুন নামিছে ধৰালৈ ৷বিশ্ব ঐতিহ্যক্ষেত্ৰ কাজিৰঙা আৰু ফাগুনৰ আছে নিবিড় সম্পৰ্ক৷  ফাগুনে লঠঙা কৰা বিশালকাই বৃক্ষৰ  মাজে মাজে  তল সৰা পাত ৷ শুকাবলৈ লোৱা বননিৰ মাজত জিলিকি উঠিছে নল খাগৰি বিৰিণাৰ  সেউজ ৰঙৰ বুল ৷ ওখ ওখ ঘাঁহনিৰ মাজত  শিমলুৰ ৰঙা পাহিৰ এইয়া এক প্ৰকাৰ অপূৰ্ব সমাহাৰ ৷

প্ৰকৃতাৰ্থত এয়াই কাজিৰঙাৰ ফাগুনৰ ৰং  ৷ কাজিৰঙা ৰাষ্ট্ৰীয় উদ্যান দৰ্শন কৰিবলৈ অহা পৰ্যটকৰ বাবে বন্যপ্ৰাণীৰ ওপৰি কাজিৰঙাৰ ফাগুনৰ মনোমোহা ৰূপো হৈ পৰিছে অন্যতম আকৰ্ষন  ৷ কাজিৰঙাৰ সেন্দূৰীয়া একা বেকা পথেৰে আগবঢ়া জীপচি গাড়ীত  উঠি দেশী বিদেশী পৰ্যটকে উপভোগ কৰিছে কাজিৰঙাৰ অতুলনীয় সৌন্দৰ্য্যৰ আকৰ ৷ আনকথাত এয়া কাজিৰঙাৰ অন্যতম বৈশিষ্ট্য।

প্ৰতিটো ঋতু পৰিবৰ্তনৰ লগে লগে সলনি  হোৱা প্ৰকৃতিৰ ৰঙে নতুন ৰূপত সজাই তোলে কাজিৰঙাক ৷ শীতৰ শেঁতা আভৰণ আতৰাই নতুন পোছাক পিন্ধোৱাৰ দুৰ্দান্ত হেপাহঁ  ফাগুণৰ ৷ চাৰিওফালে পলাশ ,শিমলু মদাৰৰ জুই ছটিয়াই দিয়ে ৷ ফাগুণে ৰঙীণ হৈ থাকি চাৰিওফালে ছটিয়াই দিয়ে ৰং,কেৱল ৰঙীণ সফুৰা ৷

এয়া পুহ মাঘৰ পাছত প্ৰকৃতিৰ অন্যতম সৃষ্টি ফাগুণ ৷ সময়ৰ গতিত লঠঙা হৈ পৰা গছবোৰেও আন এক মনোমোহা ৰূপ দিছে কাজিৰঙা ৰাষ্ট্ৰীয় উদ্যানক ৷  উদ্যানখনৰ একাবেকা পথত  শিমলুৱে মেলিছে পাহি। শুকাই যোৱা ইকৰা খাগৰিৰ মাজত ওখ ওখ শিমলুৱে মেলিছে ৰূপৰ পোহাৰ ৷

প্ৰকৃততে  ফাগুনৰ পৰাই পৰা আৰম্ভ হয় ৰাষ্ট্ৰীয় উদ্যানখনৰ ফুলৰ বতৰ ৷ফেব্ৰুৱাৰী মাহৰ পৰা এপ্ৰিল মাহলৈকে  বন্যপ্ৰাণীৰ বিচৰণৰ দৃশ্য উপভোগ কৰিবলৈ অহা পৰ্যটকে ফুলৰ বতৰত লাভ কৰে এক নতুন মাদকতা৷

পলাশ, শিমলু, আজাৰ, কৃষ্ণচূড়া, ৰাধাচূড়াৰ ৰঙা হালধিয়া ,বেঙুনীয়া ৰঙৰ সংমিশ্ৰণে আকৰ্ষনীয় ৰূপ দিয়ে কাজিৰঙাক ৷ শেহতীয়াকৈ কাজিৰঙা ৰাষ্ট্ৰীয় উদ্যানৰ নৱ সংযোজন বুঢ়াচাপৰিত উদ্যান কৰ্তৃপক্ষৰ উদ্যোগত অনুষ্ঠিত হব ফাগুন উৎসৱ ৷

ক্লিক কৰি পঢ়কঃ ইউৰিক এচিড নিয়ন্ত্ৰণত ৰাখিবলৈ খাওঁক এইসমূহ শুকান ফল

Related Stories

No stories found.
Code:
logo
Asomiya Pratidin
www.asomiyapratidin.in