অসমলৈ আহিব 'নাক'ৰ সঞ্চালক ড০ গণেশন কান্নাবিৰণ

ডিজিটেল ডেস্ক : সোমবাৰে চমু ভ্ৰমণসূচীৰে অসমলৈ আহিব 'নাক'ৰ সঞ্চালক ড০ গণেশন কান্নাবিৰণ। গুৱাহাটী মেডিকেল কলেজ হাস্পতালৰ প্ৰেক্ষাগৃহত অনুষ্ঠিতব্য এক মনোজ্ঞ অনুষ্ঠানত অংশ ল'ব ড০ কান্নাবিৰণে।

উক্ত অনুষ্ঠানতে 'নাক'ৰ সঞ্চালকগৰাকীয়ে অসমৰ বিশ্ববিদ্যালয়সমূহৰ উপাচাৰ্যসকলৰে মত-বিনিময় কৰিব। জানিব পৰা মতে মত-বিনিময় অনুষ্ঠানত অংশ ল'ব ৰাজ্যৰ কলেজসমূহৰ অধ্যক্ষসকলেও।

উল্লেখযোগ্য যে প্ৰাগজ্যোতিষপুৰ বিশ্ববিদ্যালয়ৰ আমন্ত্ৰণত অসমলৈ আহিব সঞ্চালক ড০ কান্নাবিৰণ। এই সন্দৰ্ভত প্ৰাগজ্যোতিষপুৰ বিশ্ববিদ্যালয়ৰ পঞ্জীয়ক ডঃ যোগেশ কাকতিয়ে এই কথা জানিবলৈ দিয়ে।

Also Read: শিল্পী পুলক গগৈ জীৱনাধাৰিত তথ্যচিত্ৰ প্ৰদৰ্শন