বিধানসভা নিৰ্বাচনঃ মুখ্যমন্ত্ৰী হিমন্ত বিশ্ব শৰ্মাক ঝাৰখণ্ডৰ সহ-প্ৰভাৰী নিযুক্তি

ডিজিটেল ডেস্কঃ লোকসভা নিৰ্বাচনৰ পাছতেই দেশত অনুষ্ঠিত হ'ব বিধানসভা নিৰ্বাচন। দেশৰ তিনিখন ৰাজ্য আৰু এখন কেন্দ্ৰীয় শাসিত অঞ্চলত অনুষ্ঠিত হ’ব বিধানসভা নিৰ্বাচন ৷ এই নিৰ্বাচনক লৈ ইতিমধ্যে ৰাজ্যকেইখনত প্ৰস্তুতি আৰম্ভ হৈছে ৷

আগন্তুক বিধানসভা নিৰ্বাচন অনুষ্ঠিত হ'বলগা চাৰিখন ৰাজ্যত নিৰ্বাচনৰ বাবে দলীয় প্ৰভাৰী আৰু সহ প্ৰভাৰী নিযুক্তি দিছে। দলটোৰ ৰাষ্ট্ৰীয় সভাপতি জে পি নাড্ডাই নিৰ্বাচনী প্ৰভাৰী আৰু সহ-প্ৰভাৰী নিযুক্তি দিছে ৷

भाजपा राष्ट्रीय अध्यक्ष श्री @JPNadda ने आगामी विधानसभा चुनाव- महाराष्ट्र, हरियाणा, झारखंड एवं जम्मू कश्मीर के लिए प्रदेश चुनाव प्रभारी एवं सह-प्रभारियों की नियुक्ति की है। pic.twitter.com/L4SbOrVrbI

— BJP (@BJP4India) June 17, 2024

কেইবাজনো কেন্দ্ৰীয় মন্ত্ৰীয়ে এই তালিকাত স্থান পাইছে। বিজেপিৰ কেইবাজনো শীৰ্ষ নেতাক দলীয় নিৰ্বাচনী দায়িত্ব অৰ্পণ কৰিছে৷ প্ৰভাৰী আৰু সহ-প্ৰভাৰীৰ এই তালিকাত অসমৰ মুখ্যমন্ত্ৰী ড৹ হিমন্ত বিশ্ব শৰ্মাও অন্তৰ্ভুক্ত হৈছে ৷

মুখ্যমন্ত্ৰী ড৹ হিমন্ত বিশ্ব শর্মাক ঝাৰখণ্ডৰ বিধানসভা নিৰ্বাচনৰ সহ-প্ৰভাৰী হিচাপে নিযুক্তি দিয়া হৈছে ৷ আনহাতে কেন্দ্ৰীয় মন্ত্ৰী শিৱৰাজ সিং চৌহানক ৰাজ্যখনৰ নিৰ্বাচনী প্ৰভাৰী হিচাপে নিযুক্তি দিয়া হৈছে ৷

Also Read: বৰষুণৰ অপেক্ষাত উত্তৰ প্ৰদেশ-বিহাৰ, বিপৰীতমুখী ছবি অসমত...