কাছাৰত এক ট্ৰাক বাৰ্মিজ চুপাৰি জব্দ, গ্ৰেপ্তাৰ চালক

ট্ৰাকৰ চালক চাদ্দাম ৰুছেইন লস্কৰক গ্ৰেপ্তাৰ কৰে আৰক্ষীয়ে
কাছাৰত এক ট্ৰাক বাৰ্মিজ চুপাৰি জব্দ, গ্ৰেপ্তাৰ চালক

ডিজিটেল সংবাদ,শিলচৰঃ কাছাৰত এক ট্ৰাক বাৰ্মিজ চুপাৰি জব্দ। মুখ্যমন্ত্ৰীৰ কঠোৰ নিৰ্দেশকো কেৰেপ নকৰে অবৈধ বাৰ্মিজ চুপাৰিৰ ব্যৱসায়ীসকলে ৷ বাৰ্মিজ চুপাৰিৰ বিৰুদ্ধে কাছাৰ আৰক্ষীয়ে কঠোৰ পদক্ষেপ গ্ৰহন কৰাৰ পিচতো কাছাৰৰ মাজেৰে সৰবৰাহ হৈ আছে বাৰ্মিজ চুপাৰি ৷

ন ন কৌশল অৱলম্বন কৰি প্ৰায়ে মিজোৰামৰ পৰা বহি ৰাজ্যলৈ সৰবৰাহ কৰি আহিছে চুপাৰী ব্যৱসায়ীসকলে ৷ এইদৰে ট্ৰাকত গোপন চেম্বাৰ সাজি চুপাৰি সৰবৰাহৰ সময়ত ধলাই আৰক্ষীয়ে জব্দ কৰে এখন বাৰ্মিজ চুপাৰি ভৰ্তি ট্ৰাক ৷

জানিবলৈ দিয়া মতে নাকী চেকিঙৰ সময়ত AS-11-DC-1116 নম্বৰৰ ট্ৰাকখনত তালাচী চলাই আৰক্ষীয়ে জব্দ কৰে প্ৰায় ১০০০ কেজি সন্দেহজনক বাৰ্মিজ চুপাৰি ৷ চুপাৰিৰ সৈতে ট্ৰাকৰ চালক চাদ্দাম ৰুছেইন লস্কৰক গ্ৰেপ্তাৰ কৰে আৰক্ষীয়ে ৷ ধৃত চাদ্দামৰ ঘৰ ধলাই এলেকাৰ হাওয়াইথাঙত৷ জব্দকৃত চুপাৰিৰ মুল্য কেবা লাখ টকা বুলি সদৰী কৰিছে আৰক্ষীয়ে ৷

Related Stories

No stories found.
logo
Asomiya Pratidin
www.asomiyapratidin.in