গল্পকাৰ বিপাশা বৰাৰ উপন্যাস “জাকাৰান্দা” উন্মোচন

শ্বিলঙৰ পুৰণি আৰু সমকালীন অসমীয়া সমাজখনৰ কাহিনীগুচ্ছৰ আধাৰত ২০১৮ চনৰ সাহিত্য অকাদেমী যুৱ পুৰস্কাৰ বঁটা

author-image
Asomiya Pratidin
New Update
গল্পকাৰ বিপাশা বৰাৰ উপন্যাস “জাকাৰান্দা” উন্মোচন

বিপাশা বৰাৰ উপন্যাস “জাকাৰান্দা” উন্মোচন

ডিজিটেল সংবাদ, গুৱাহাটীঃ শ্বিলঙৰ পুৰণি আৰু সমকালীন অসমীয়া সমাজখনৰ কাহিনীগুচ্ছৰ আধাৰত ২০১৮ চনৰ সাহিত্য অকাদেমী যুৱ পুৰস্কাৰ বঁটা বিজয়ী গল্পকাৰ-লেখিকা বিপাশা বৰাৰ দ্বাৰা ৰচিত প্ৰথমখন উপন্যাস “জাকাৰান্দা” মঙলবাৰে গুৱাহাটী আৰ্টিষ্ট গীল্ডত আয়োজিত এক গ্ৰন্থ উন্মোচনী সভাত উন্মোচন কৰা হয় ।

Advertisment
  User
User

গুৱাহাটীৰ বনলতা প্ৰকাশনে প্ৰকাশ কৰি উলিওৱা উপন্যাসখন প্ৰসিদ্ধ ঔপন্যাসিক-সমালোচক-শিক্ষাবিদ প্ৰফেচৰ তিলোত্তমা মিশ্ৰ, গল্পকাৰ আৰু ঔপন্যাসিক বন্তি শেনচোৱা আৰু কবি-গল্পকাৰ আৰু “সাতসৰী” আলোচনীৰ সম্পাদক অতনু ভট্টাচাৰ্যদেৱে উন্মোচন কৰে । অনুষ্ঠানত “জাকাৰান্দা”ৰ তেনেই সৰু অংশ এটা পাঠ কৰি শুনায় আগান আৰু আৱৰিয়ে । গ্ৰন্থ উন্মোচনী অনুষ্ঠানটোৰ সৈতে সংগতি ৰাখি “শ্বিলঙৰ পুৰণি আৰু সমকালীন অসমীয়া সমাজ” শীৰ্ষক এটি আন্তৰিক কথোপকথনৰো আয়োজন কৰা হয় ।

ঐতিহ্য-সংৰক্ষক অভিনিৱেশ শৰ্মাই আঁতধৰা এই আকৰ্ষণীয় অনুষ্ঠানটিত তিনিওগৰাকী সাহিত্যিকৰ সৈতে বিপাশা বৰায়ো ভাগ লয় । অনুষ্ঠানটিত কেইবাজনো বিশিষ্ট সাহিত্যিকৰ লগতে বহুকেইজন নতুন প্ৰজন্মৰ লেখক-লেখিকা আৰু আন আন গণ্য-মান্য ব্যক্তিসকল উপস্থিত থাকে ।

আৰু পঢ়কঃ পুহমহীয়া শীত নেওচি অসম গ্ৰন্থমেলা, গুৱাহাটীলৈ পুথিপ্ৰেমীৰ বিপুল সহাঁৰি

guwahati