ডিজিটেল সংবাদ,বেকাজানঃ শনিবাৰে মণিপুৰৰ ইম্ফলৰ ১নং এম আৰ বেনকেট হলত অনুষ্ঠিত এক অনুষ্ঠানত ইউ জি বিদ্ৰোহী গোটৰ ৪৩ গৰাকী কেডাৰে মুখ্যমন্ত্ৰী ওচৰত অস্ত্ৰ সম্বৰণ কৰে । ঘৰলৈ উভতি অহা শীৰ্ষক অনুষ্ঠানত মুখ্যমন্ত্ৰী এন বীৰেণ সিংৰ ওচৰত বিভিন্ন ইউ জি গোটৰ ৪৩ জন (৪৩) কেডাৰে অস্ত্ৰ-শস্ত্ৰ ত্যাগ কৰি মূলসুঁতি লৈ আহে ।
অস্ত্ৰ ত্যাগ কৰা বিভিন্ন ইউ জি গোটৰ ৪৩ জন কেডাৰৰ ভিতৰত আছে ১৩ জন কে ৱাই কে এল, ৫ জন পি এল এ, আৰ পি এফ, ৫ জন কে চি পি (এন), ১১ জন কে চি পি (পি ডব্লি উ জি), ৫ জন ইউ এন এল এফ, ১ জন প্ৰেপাক, ২ জন প্ৰেপাক (পি আৰ অ’), ১ জন এন এছ চি এন (ইউ)।
বিদ্ৰোহীসকলে মুখ্যমন্ত্ৰীৰ ওচৰত ১৩টা পিষ্টল, ১৭টা হেণ্ড গ্ৰেনেড, ৫টা হেণ্ডহেল্ড চেট, এটা কেনউড চেট, ৯টা পি ই কে, ৫টা আই ই ডি, আৰু ২০৯টা সংখ্যক বিভিন্ন ধৰণৰ গুলীসহ ১৯ টা অস্ত্ৰ জমা দিয়ে বুলি জানিব পৰা গৈছে।
