এই ঘৰুৱা উপায়ৰে উফিৰ পৰা পৰিত্ৰাণ পাওঁক

ডিজিটেল ডেস্ক: শীত কালত আমি সকলোয়ে সন্মুখীন হোৱা এটা ডাঙৰ সমস্যা হৈছে উফিৰ সমস্যা।ই হৈছে এক স্থিতি যি মূৰৰ ছালত ‘ফ্লেক্স’ প্ৰস্তুত কৰে, তাৰ পিছত ছালত খজুৱতি হয়। বৈজ্ঞানিকভাৱে ক’বলৈ গ’লে উফি হৈছে এক অ-প্ৰদাহজনক আৰু দীৰ্ঘম্যাদী স্থিতি।ই মূৰৰ ছালৰ কোষকলাৰ অত্যাধিক পৰিসৰৰ দ্বাৰা প্ৰভাৱিত। উফি সেমেকা পৰিৱেশত বিকশিত হয়। শীতকালত উফি তুলনামূলকভাৱে অত্যাধিক হৈ মূৰৰ ছালত খজুৱতিৰ সৃষ্টি কৰে আৰু ছালখন শুকান কৰি তোলে।এই সমস্যাৰ দ্বাৰা পৰিত্ৰাণ লাভৰ কেইটামান ঘৰুৱা প্ৰতিকাৰৰ বিষয়ে আজি জানো আহক-

নিম 

নীমে মূৰৰ ছাল পৰিষ্কাৰ কৰাত সহায় কৰে আৰু ই চুলিৰ বিকাশ উন্নত কৰাৰ সময়ত বন্ধ ছিদ্ৰবোৰো পৰিষ্কাৰ কৰে। নিমৰ গুণাগুণবোৰ চুলিৰ পক্ষে অত্যন্ত অত্যাৱশ্যকীয়।ই উফিৰ চিকিৎসাৰ বাবেও অতি প্ৰভাৱশালী।নিম পাত গুৰি কৰি চুলিত অলপ সময়ৰ প্ৰয়োগ কৰক আৰু কুহুমীয়া পানীৰে ধুই দিয়ক।খুব কম দিনৰ ভিতৰতে আপুনি উফিৰ পৰা পৰিত্ৰাণ পাব।

আমলখি পাউডাৰ

আমলখি যাক ইণ্ডিয়ান গুজবেৰী বুলি জনা যায়।ই হৈছে ভিটামিন চি-ৰ এক পৰ্যাপ্ত উৎস। আমলখি পাউডাৰ উফিৰ বাবে অত্যাৱশ্যকীয় হিচাপে ব্যৱহাৰ কৰা হয়। আমলখি পাউডাৰখিনি দৈৰ লগত মিহলাই অলপ সময় চুলিত লগাই ৰাখি পাছত পানীৰে ধুই দিব।এই উপায় অৱলম্বন কৰিলে অতি সোনকালেই উফিৰ সমস্যাৰ পৰা সমাধান লাভ কৰিব।

দৈ

চুলিৰ বিভিন্ন সমস্যা সমাধানৰ ক্ষেত্ৰত দৈ অতি উপকাৰী।উফিৰ চিকিৎসাৰ বাবেও দৈ খুবেই ফলদায়ক। উফিৰ সমস্যাত ভূগিলে আপোনাৰ মূৰৰ ছালখনত লগাকৈ ভালদৰে আধা ঘণ্টাৰ বাবে দৈ প্ৰয়োগ কৰক।ইয়াৰ পাছত ছেম্পুৰে ভালদৰে চুলিখিনি ধুই পেলাওঁক।নিশ্চিতভাৱেই আপুনি ইয়াৰ ফল লাভ কৰিব।

Also Read: Winter Care: ঠাণ্ডা দিনত সুস্থ থকাৰ মাত্ৰ পাঁচটা উপায়