ডিজিটেল ডেস্ক: আটাইতকৈ সহজে তৈয়াৰ কৰিব পৰা এক অন্যতম স্বাস্থ্যকৰ পানীয় নেমু পানী।নেমু প্ৰতিটো বতৰতে অতি সহজলভ্য। আপুনি জানি আচৰিত হ’ব যে, নেমু আপোনাৰ দৈনন্দিন খাদ্যৰ তালিকাত অন্তৰ্ভুক্ত কৰিলে আপোনাৰ শৰীৰে কিমান পুষ্টি লাভ কৰিব পাৰে।নেমুৰ চমৎকাৰী গুণবোৰৰ বিষয়ে আজি জানো আহক-
ভোক হ্ৰাস কৰে- যদি আপুনি ভোক অনুভৱ কৰে আৰু কেলৰি সমৃদ্ধ কিবা এটা খোৱাৰ হেঁপাহ কৰে, এগিলাচ নেমু পানী খাওঁক।নেমুত আঁহ থাকে, যিয়ে আপোনাক বহু দিনৰ বাবে ভোকৰ বেদনাৰ পৰা সকাহ দিব।
ছালক পুষ্টি প্ৰদান কৰে- নেমু আৰু পানীৰ মিশ্ৰণে আপোনাৰ ছাল ‘হাইড্ৰেটেড’ আৰু জীৱন্ত কৰি ৰাখিব।নেমুত যথেষ্ট পৰিমাণে ভিটামিন চিৰ উপস্থিতিৰ বাবে ই আপোনাৰ ছালখনক উজ্জ্বল আৰু স্বাস্থ্যৱান কৰি ৰাখে।
ৰোগ প্ৰতিৰোধ ক্ষমতা বৃদ্ধি কৰক- নেমুত অতিমাত্ৰাকৈ থকা ভিটামিন চিক ৰোগ প্ৰতিৰোধ ক্ষমতাৰ সৰ্বশ্ৰেষ্ঠ উৎস বুলি গণ্য কৰা হয়।সেয়েহে প্ৰতিদিনে নেমু খাওঁক আৰু ৰোগৰ পৰা দূৰত থাকক।
চাপ হ্ৰাস কৰে- চাপৰ ফলত আপোনাৰ শৰীৰে প্ৰস্ৰাৱৰ পৰা পটাছিয়াম হেৰুৱায়। নেমু হৈছে পটাছিয়ামৰ এক ভাল উৎস। সেয়েহে খাদ্যৰ তালিকাত অধিক পটাছিয়াম অৰ্থাৎ নেমু পানী অন্তৰ্ভুক্ত কৰি আপোনাৰ শৰীৰক চাপৰ প্ৰভাৱৰ পৰা সুৰক্ষিত কৰক।
হজমত সহায়ক- নেমুৰ ৰসত থকা ভিটামিন চিয়ে হজম শক্তি বৃদ্ধি কৰে।ইয়াৰ লগতে পেট ফুলা তথা বুকু জ্বলা-পোৰাৰ দৰে সমস্যাবোৰৰ পৰা সকাহ দিয়াতো ই সহায় কৰে।
যকৃত পৰিষ্কাৰ কৰে- নেমুৰ ৰসে যকৃতৰ পিত্ত উৎপাদন তৈয়াৰ কৰে, যি শৰীৰৰ পৰা বিষাক্ত পদাৰ্থ বোৰ বাহিৰলৈ ঠেলি দিয়ে। ই পিত্তৰ পাথৰ জমা হোৱাটো প্ৰতিহত কৰে আৰু গেষ্ট্ৰিক ৰসৰ চলাচলত যকৃতৰ কাৰ্যক্ষমতা বৃদ্ধি কৰে।
