ভয়াৱহ স্বাস্থ্য সমস্যাৰ কাৰণ হ’ব পাৰে আপোনাৰ এই অভ্যাস

ডিজিটেল ডেস্ক: বহুলোকে বিশ্বাস কৰে যে ৰাতি শোৱাৰ আগতে পানী খালে শৰীৰটো হাইড্ৰেটেড হৈ থাকে। কিন্তু প্ৰকৃততে এই অভ্যাস স্বাস্থ্যৰ বাবে ক্ষতিকাৰক হ'ব পাৰে। হয়, শোৱাৰ পূৰ্বে পানী খোৱাটোয়ে স্বাস্থ্যত গুৰুত্বপূৰ্ণ প্ৰভাৱ পেলাব পাৰে। আজি এই বিষয়ে জানো আহক-

শোৱাৰ আগতে পানী খোৱাটোৱে ডিহাইড্ৰেচন প্ৰতিৰোধ কৰাত সহায় কৰিব পাৰে। ই শৰীৰৰ উষ্ণতা নিয়ন্ত্ৰণ তথা বিষাক্ত পদাৰ্থ শৰীৰৰ পৰা আঁতৰোৱাত সহায় কৰে। পৰ্যাপ্ত পানী খোৱাটোৱে মনোভাৱ বৃদ্ধি কৰে আৰু খজুৱতি হ্ৰাস কৰে। এক অধ্যয়নত দেখা গৈছে যে শৰীৰত পৰ্যাপ্ত পানী থকাৰ ফলত আৱেগিক স্থিৰতা আৰু আভ্যন্তৰীণ শান্তি হয়। শোৱাৰ আগতে গৰম পানী খালে ই প্ৰাকৃতিক পৰিস্কাৰক হিচাপে কাম কৰাৰ লগতে হজম উন্নত আৰু শৰীৰৰ পৰা বিষাক্ত পদাৰ্থ আঁতৰ কৰাত সহায় কৰিব পাৰে। গৰম পানীৰ সৈতে নেমু মিহলি কৰি খালে শৰীৰত ভিটামিন চি বৃদ্ধি হয় আৰু ৰোগ প্ৰতিৰোধ ক্ষমতা শক্তিশালী হয়।

কিন্তু শোৱাৰ আগতে পানী খোৱাৰ ফলত নক্টুৰিয়া হোৱাৰ আশংকা বৃদ্ধি হ'ব পাৰে। নক্টুৰিয়াৰ ফলত নিশা বাৰে বাৰে সাৰ পাই প্ৰস্ৰাৱ কৰিবলগীয়া হয় আৰু ই টোপনিত প্ৰভাৱ পেলায়। সঘনাই বাথৰুমলৈ যোৱাটোৱে হৃদযন্ত্ৰৰ স্বাস্থ্যৰ ওপৰতো নেতিবাচক প্ৰভাৱ পেলায়। কিয়নো পৰ্যাপ্ত টোপনিৰ অভাৱৰ বাবে উচ্চ ৰক্তচাপ, উচ্চ কলেষ্টেৰল আৰু হৃদৰোগৰ আশংকা বৃদ্ধি হ’ব পাৰে।

কেতিয়া খাব পানী ?

সেয়েহে, শোৱাৰ আগতে পানী খোৱাৰ সলনি দিনৰ সময়ছোৱাত পানী খাব। শৰীৰক পৰ্যাপ্ত পানী যোগানৰ বাবে উচ্চ পানী থকা ফল আৰু পাচলি বেছিকৈ খাব। সন্ধিয়া কেফেইন আৰু সুৰা পৰিহাৰ কৰিব। ই প্ৰস্ৰাৱৰ উৎপাদন বৃদ্ধি কৰিব পাৰে। বিশেষজ্ঞসকলৰ মতে, শোৱাৰ কমেও দুই ঘণ্টাৰ আগতহে পানী খাব লাগে।

Also Read: সাৱধান ! এই সমস্যাক সাধাৰণ বুলি ভাবি উপেক্ষা নকৰিব