ডিজিটেল ডেস্ক: নৃত্য হৈছে এনে এক কলা যাক এজন ব্যক্তিৰ দক্ষতা প্ৰতিফলিত কৰাৰ মাধ্যমৰ উপৰিও স্বাস্থ্যৰ বাবে অতি উপকাৰী বুলি গণ্য কৰা হয়।নৃত্য কৰিলে শৰীৰ আৰু মন দুয়োটায়ে সক্ৰিয় হৈ পৰে। এনে পৰিস্থিতিত ই শৰীৰৰ প্ৰতিটো অঙ্গক প্ৰভাৱিত কৰে।সেয়েহে নৃত্যক গোটেই শৰীৰৰ বাবে এক স্বাস্থ্যকৰ ব্যায়াম বুলি ক'ব পাৰি।নৃত্য হৈছে এটা ‘কাৰ্ডিঅ' ব্যায়াম যি মন আৰু শৰীৰৰ সমন্বয় বৃদ্ধি কৰাত সহায় কৰে। ইয়াৰ বাহিৰেও নৃত্য কৰাৰ আন বহু লাভালাভ আছে। এই বিষয়ে আজি জানো আহক-
শৰীৰৰ নমনীয়তা বৃদ্ধি কৰে
নৃত্যই শৰীৰৰ নমনীয়তা বৃদ্ধি কৰে। ই পেশী আৰু স্নায়ু শক্তিশালী কৰি শৰীৰৰ নমনীয়তা উন্নত কৰে। যদি আপোনাৰ শৰীৰ দুৰ্বল, তেন্তে আপুনি নিয়মীয়াকৈ নৃত্য কৰা আৰম্ভ কৰক। ই শৰীৰৰ শক্তিৰ সৈতে নমনীয়তা বৃদ্ধি কৰিব।
হৃদযন্ত্ৰ আৰু হাঁওফাঁও স্বাস্থ্যৱান হৈ থাকে
নৃত্যই হাঁওফাঁও আৰু হৃদযন্ত্ৰক স্বাস্থ্যৱান কৰি ৰাখে। ই হৃদযন্ত্ৰৰ কাৰ্যপ্ৰণালী উন্নত কৰাত সহায় কৰে। সেয়েহে নৃত্য কৰোটো হৃদযন্ত্ৰৰ স্বাস্থ্যৰ বাবে অতি উপকাৰী বুলি গণ্য কৰা হয়। ই শৰীৰৰ ৰক্ত সঞ্চালন উন্নত কৰে আৰু শৰীৰক বহুতো সমস্যাৰ পৰা সুৰক্ষিত কৰি ৰাখে।
ওজন হ্ৰাস কৰে
যদি আপুনি ওজন হ্ৰাস কৰিব বিচাৰে তেন্তে আপুনি নৃত্যক আপোনাৰ দৈনন্দিন ৰুটিনৰ এটা অংশ কৰি ল’ব পাৰে। ই শৰীৰত থকা অতিৰিক্ত কেলৰি দহন কৰাৰ লগতে পেশীত সঞ্চিত চৰ্বি হজম কৰাত সহায় কৰে।ইয়াৰ বাবে আপুনি আপোনাৰ ৰুটিনত হিপ-হপ, ফ্ৰীষ্টাইল, জুম্বা, বেলি ডান্সৰ দৰে ‘কেলৰি বাৰ্ণ’ ব্যায়াম অন্তৰ্ভুক্ত কৰিব পাৰে।
মনৰ স্থিতি উন্নত কৰে
নৃত্য হৈছে এনে এক মানসিক কাৰ্যকলাপ, যিয়ে চাপ, উদ্বেগ আৰু হতাশাৰ দৰে লক্ষণবোৰ হ্ৰাস কৰাত সহায় কৰে। ইয়াৰ উপৰিও ই আপোনাৰ আত্মবিশ্বাস বৃদ্ধি কৰাতো যথেষ্ট সহায়ক। নৃত্যই মগজুত কৰ্টিচোলৰ স্তৰ হ্ৰাস কৰে আৰু অক্সিটচিনৰ স্তৰ বৃদ্ধি কৰে। অক্সিটচিন হৈছে এক ভাল হৰমন, যিয়ে আপোনাক ভাল অনুভৱ কৰাব পাৰে।
চুলি-ছালৰ বাবে উপকাৰী
নৃত্য কৰাটো ছাল আৰু চুলিৰ বাবেও অতি উপকাৰী বুলি গণ্য কৰা হয়।নৃত্য কৰিলে শৰীৰত ৰক্ত সঞ্চালন বৃদ্ধি হয় আৰু ছালৰ ছিদ্ৰবোৰ খায়, যিয়ে চুলি দীঘল হোৱাত সহায় কৰে।সেয়েহে, আপুনি উজ্জ্বল ছাল আৰু শক্তিশালী চুলিৰ বাবে নৃত্যক আপোনাৰ দৈনন্দিন ৰুটিনৰ অংশ কৰি ল’ব পাৰে।
