বহু গুৰুতৰ ৰোগৰ ঔষধ তিয়াই থোৱা কাঠবাদাম

benefits-of-eating-almonds
benefits-of-eating-almonds
Published on
Updated on

ডিজিটেল ডেস্ক: শুকান ফল আমাৰ স্বাস্থ্যৰ বাবে অতি উপকাৰী খাদ্য।বিশেষকৈ কাঠবাদাম। আচলতে, প্ৰতিদিনে ৰাতিপুৱা খালী পেটত তিয়াই থোৱা কাঠবাদাম খোৱাটো স্বাস্থ্যৰ বাবে অমৃত স্বৰূপ। কাঠবাদামে শৰীৰক অত্যাৱশ্যকীয় পুষ্টি প্ৰদান কৰাৰ লগতে পাচন তন্ত্ৰ শক্তিশালী কৰাত সহায় কৰে। তিয়াই খোৱা কাঠবাদামৰ বাকলিত টেনিন থাকে, যি শৰীৰক পুষ্টি প্ৰদান কৰাত সহায় কৰে। কাঠবাদামত ভিটামিন, খনিজ আৰু এণ্টিঅক্সিডেণ্ট থাকে, যিয়ে স্মৃতিশক্তি উন্নত কৰা, হৃদযন্ত্ৰৰ স্বাস্থ্য উন্নত কৰা তথা সামগ্ৰিক শক্তিৰ স্তৰ বৃদ্ধি কৰাত সহায় কৰে।তিয়াই থোৱা কাঠবাদাম খোৱাৰ আন আন উপকাৰিতাসমূহ হৈছে- 

কলেষ্টেৰল নিয়ন্ত্ৰণ

তিয়াই থোৱা বাদাম খোৱাটো কলেষ্টেৰলৰ স্তৰ নিয়ন্ত্ৰণ কৰাত সহায়ক। ই নিম্ন-ঘনত্বৰ কলেষ্টেৰল (এলডিএল) আৰু ট্ৰাইগ্লিচাৰাইডৰ স্তৰ হ্ৰাস কৰা তথা ভাল কলেষ্টেৰলৰ (এইচডিএল) স্তৰ বজাই ৰখাত সহায় কৰে। সেয়েহে, কলেষ্টেৰল নিয়ন্ত্ৰণ কৰিবলৈ আপুনি কাঠবাদাম খাব পাৰে।

কৰ্কট ৰোগৰ আশংকা হ্ৰাস 

কাঠবাদাম খোৱাটোৱে কৰ্কট ৰোগ প্ৰতিৰোধ কৰিব পাৰে। ইয়াৰ কৰ্কট ৰোধী প্ৰভাৱ আছে, যিয়ে কৰ্কট কোষৰ বিকাশ নিয়ন্ত্ৰণ কৰিব পাৰে। তিতাই থোৱা কাঠবাদামত থকা এমিগডেলিন নামৰ যৌগটো কৰ্কট ৰোগৰ সম্ভাৱ্য চিকিৎসাত সহায়ক। সেয়েহে, বাদাম খোৱাটো কৰ্কট ৰোগৰ বিৰুদ্ধে সুৰক্ষা প্ৰদান কৰাত সহায়ক হ'ব পাৰে।

শৰীৰৰ চৰ্বি হ্ৰাসত সহায়ক

যদি আপুনি ওজন হ্ৰাস কৰাৰ উপায় বিচাৰি আছে, তেন্তে আজিয়েই আপোনাৰ খাদ্য তালিকাত কাঠবাদাম অন্তৰ্ভূক্ত কৰক। কম কেলৰিযুক্ত আহাৰৰ সৈতে কাঠবাদাম মিহলি কৰি আপুনি ওজন হ্ৰাস কৰিবও পাৰে। কাঠবাদামত প্ৰ'টিন, আঁহ আৰু স্বাস্থ্যকৰ চৰ্বি থাকে, যি দীঘলীয়া সময়ৰ বাবে আপোনাক কষ্ট দি অহা শাৰিৰীক সমস্যা প্ৰতিহত কৰাত সহায় কৰে। এই উপাদানবোৰে ভোক নিয়ন্ত্ৰণ কৰে আৰু লগতে অধিক খোৱাৰ আকাংক্ষা হ্ৰাস কৰে, যি কেলৰি গ্ৰহণ হ্ৰাস কৰিব পাৰে।

চকুৰ স্বাস্থ্যৰ বাবে কাঠবাদাম

চকুৰ স্বাস্থ্য বজাই ৰখাৰ বাবেও কাঠবাদাম অতি উপকাৰী। ই ভিটামিন ই আৰু জিংক সমৃদ্ধ, যি চকু সম্পৰ্কীয় ৰোগ যেনে বয়স-সম্পৰ্কীয় মেকুলাৰ ডিজেনাৰেচন (এএমডি) প্ৰতিৰোধ কৰাত সহায় কৰিব পাৰে। ৰেটিনা স্বাস্থ্যৱান ৰখাত জিংক সহায়ক, যিয়ে চকুৰ স্বাস্থ্য উন্নত কৰিব পাৰে।

ডায়েবেটিচ নিয়ন্ত্ৰণ 

ডায়েবেটিচ প্ৰতিৰোধ আৰু নিয়ন্ত্ৰণৰ বাবেও তিয়াই থোৱা বাদাম খোৱাটো উপকাৰী। কাঠবাদামত আঁহ, অসংপৃক্ত চৰ্বি আৰু কম কাৰ্বোহাইড্ৰেট থাকে, যাৰ বাবে ইয়াক নিম্ন-গ্লাইচেমিক সূচক আহাৰ হিচাপে বিবেচনা কৰা হয়। ই টাইপ ২ ডায়বেটিচৰ আশংকা হ্ৰাস কৰাতো আপোনাক সহায় কৰিব পাৰে। সেয়েহে, ৰাতিপুৱা খালী পেটত তিয়াই থোৱা কাঠবাদাম খোৱাটো অতি উপকাৰী। 

শক্তিশালী কৰে হাড়

হাড় শক্তিশালী কৰাৰ বাবেও আপুনি ৰাতিপুৱা তিয়াই থোৱা বাদাম খাব পাৰে। কাঠবাদামত কেলচিয়াম আৰু মেগনেছিয়ামৰ দৰে গুৰুত্বপূৰ্ণ পুষ্টি থাকে, যি হাড়ৰ শক্তিৰ বাবে অত্যাৱশ্যকীয়। মেগনেছিয়াম হাড়ৰ খনিজ ঘনত্ব উন্নত কৰাত সহায়ক, যাৰ ফলত অষ্টিওপোৰোচিছ আৰু হাড়ৰ প্ৰদাহ হয়।

উল্লেখ্য যে, কেৱল তিয়াই থৈয়ে নহয়, আপুনি অন্যান্য উপায়ৰেও কাঠবাদাম আপোনাৰ খাদ্য তালিকাত অন্তভূক্ত কৰি নিজকে স্বাস্থ্যৱান কৰি ৰাখিব পাৰে।

benefits-of-eating-almonds
আজিয়েই সলনি কৰক আপোনাৰ খাদ্য তালিকা

Related Stories

No stories found.
X
Code:
logo
Asomiya Pratidin
www.asomiyapratidin.in