ৰোগ প্ৰতিৰোধ ক্ষমতা বৃদ্ধিৰ পৰা পাচন তন্ত্ৰ শক্তিশালী কৰালৈ…

ডিজিটেল ডেস্ক: লং হৈছে এনে এবিধ মচলা, যি প্ৰতিটো ভাৰতীয় পাকঘৰতে উপলব্ধ। খাদ্যৰ সোৱাদ বৃদ্ধিৰ উপৰিও লঙৰ বহু স্বাস্থ্য উপকাৰিতা আছে। লঙত এণ্টি-অক্সিডেণ্ট, এণ্টি-মাইক্ৰোবাইল, এণ্টি-ভাইৰেল, এনালজেচিক ভিটামিন, খনিজ আৰু অন্যান্য পুষ্টিকৰ উপাদান থাকে, যাক শৰীৰৰ বাবে অতি উপকাৰী বুলি গণ্য কৰা হয়। লঙৰ সৈতে তৈয়াৰ কৰা  চাহো স্বাস্থ্যৰ বাবে অতি উপকাৰী। প্ৰতিদিনে চাহত লং দি খালে ই চাহৰ সোৱাদ বৃদ্ধিয়েই নহয়, ই দাঁতৰ বিষো আঁতৰ কৰে।আজি লং চাহক স্বাস্থ্য উপকাৰিতাৰ বিষয়ে জানো আহক-

ৰোগ প্ৰতিৰোধক

লং চাহে আমাৰ শৰীৰৰটোক গৰম কৰাৰ লগতে ৰোগ প্ৰতিৰোধ ক্ষমতাও শক্তিশালী কৰে। লঙত এণ্টিঅক্সিডেণ্ট থাকে, যিয়ে শৰীৰৰ পৰা মুক্ত ৰেডিকেল ধ্বংস কৰাৰ লগতে ৰোগ প্ৰতিৰোধ প্ৰণালী শক্তিশালী কৰাত সহায় কৰে।উল্লেখ্য, লঙৰ এই গুণাগুণৰ বাবেই ক’ৰোনাত আক্ৰান্ত হ'লে চিকিৎসকে লং চাহ খাবলৈ পৰামৰ্শ দিয়ে।

চৰ্দি-কাহ

পৰিৱৰ্তনশীল ঋতুত অধিকাংশই চৰ্দি আৰু কাহৰ কবলত পৰে।এই সমস্যাৰ পৰা সমাধান লাভ কৰিবলৈ আপুনি লং চাহ খাব পাৰে।লঙৰ এণ্টিচেপ্টিক, এণ্টি-ভাইৰেল আৰু এণ্টিমাইক্ৰোবাইল গুণাগুণ আছে, যিয়ে সাধাৰণ সংক্ৰমণ, চৰ্দি আৰু কাহ উপশম কৰাত সহায় কৰিব পাৰে।

দাঁতৰ বিষ

দাঁতৰ বিষৰ পৰা সোনকালে সকাহ পাবলৈ জেষ্ঠ্যসকলে লং তেল বা লং ব্যৱহাৰ কৰাৰ পৰামৰ্শ দিয়ে। কিন্তু আপুনি জানেনে যে লং চাহ খালেও যে আপুনি দাঁতৰ বিষৰ পৰা পৰিত্ৰাণ পাব পাৰে ? লং চাহে দাঁতৰ আলু ফুলা সমস্যাও হ্ৰাস কৰে।

প্ৰদাহ-প্ৰতিৰোধী 

লং চাহ প্ৰদাহ-প্ৰতিৰোধী। এই চাহ খালে হাঁওফাঁওৰ প্ৰদাহ হ্ৰাস হয় আৰু আপুনি সকাহ অনুভৱ কৰিব পাৰে। গতিকে যদি আপোনাৰ এনে কোনো সমস্যা আছে, তেন্তে লং চাহ খাব পাৰে।

হজম

লং চাহ খালে হজমশক্তি উন্নত হয়। যদি আপোনাৰ হজমৰ সমস্যা আছে, তেন্তে আপুনি লং চাহ খোৱা আৰম্ভ কৰিব পাৰে।

বিপাক

ৰাতিপুৱা দৈনিক লং চাহ খালে ই আপোনাৰ বিপাকৰ হাৰ বৃদ্ধি কৰিব পাৰে। কেৱল এয়াই নহয়, ই ওজন হ্ৰাস কৰাতো যথেষ্ট সহায়ক।

লং চাহ কিদৰে বনাব ?

১. ৩ কাপ উতলা পানীত ১/২ ইঞ্চি আদা, ১ টুকুৰা ডালচেনি আৰু ১/৪ চাহ চামুচ লং মিহলি কৰি ল’ব।

২. এই পানীখিনি ৫ মিনিটৰ বাবে উতলাব।

৩. ইয়াৰ পাছত চাহ খিনি ছেকনীৰে ছেকি লৈ ঠাণ্ডা হ'বলৈ দিব।

৪. অধিক সোৱাদৰ বাবে মৌ মিহলি কৰি লং চাহ উপভোগ কৰিব পাৰিব।

Also Read: বিশ্বৰ প্ৰথমটো ত্ৰিলিয়ন ডলাৰ কোম্পানীত পৰিণত ষ্টিভ জবছৰ Apple